ಬ್ರಹ್ಮಾವರ: ಸ್ವಚ್ಚತಾ ವಾಹನಕ್ಕೆ ಗ್ಯಾಸ್ ತುಂಬಿದ್ದ ಬುಲೆಟ್ ಟ್ಯಾಂಕರ್ ಢಿಕ್ಕಿ - ತಪ್ಪಿದ ಅನಾಹುತ

•   Mon, Jan 29 2024 07:14:19 PM



• ಬ್ರಹ್ಮಾವರ, ಜ 29 (DaijiworldNews/HR): ರಾಷ್ಟ್ರೀಯ ಹೆದ್ದಾರಿಯಲ್ಲಿ ನಿಂತಿದ್ದ ಸ್ವಚ್ಚತಾ ವಾಹನವನ್ನು ಗಮನಿಸದ ಬುಲೆಟ್ ಟ್ಯಾಂಕರ್ ಚಾಲಕನೋರ್ವ ಸ್ವಚ್ಚತಾ ವಾಹನಕ್ಕೆ ಢಿಕ್ಕಿ ಹೊಡೆದು ಡಿವೈಡರ್ ಹಾರಿ ಸರ್ವಿಸ್ ರಸ್ತೆಯ ಪಾದಾಚಾರಿ ಮಾರ್ಗಕ್ಕೆ ಬಂದ ಘಟನೆ ಬ್ರಹ್ಮಾವರದಲ್ಲಿ ನಡೆದಿದೆ.

  

  

  

  

  

  

  

  ಗ್ಯಾಸ್ ತುಂಬಿದ ಬುಲೆಟ್ ಟ್ಯಾಂಕರೊಂದು ಮಂಗಳೂರಿನಿಂದ ಕುಂದಾಪುರ ಕಡೆ ಹೋಗುತ್ತಿದ್ದ ಸಂಧರ್ಭ ಬ್ರಹ್ಮಾವರ ಬಳಿ ನವಯುಗ ಸಂಸ್ಥೆಯ ಸ್ವಚ್ಛತಾ ವಾಹನವೊಂದು ಸ್ವಚ್ಚತಾ ಕಾರ್ಯ ನಡೆಸುತಿದ್ದು, ಇದನ್ನು ಗಮನಿಸದ ಬುಲೆಟ್ ಟ್ಯಾಂಕರ್ ಚಾಲಕ ಮೊದಲಿಗೆ ಸ್ವಚ್ಚತಾ ವಾಹನಕ್ಕೆ ಢಿಕ್ಕಿ ಹೊಡೆದಿದ್ದಾನೆ. ಆ ಬಳಿಕವೂ ಟ್ಯಾಂಕರ್ ನಿಯಂತ್ರಣಕ್ಕೆ ಸಿಗದೇ ಡಿವೈಡರ್ ಹಾರಿ ಸರ್ವಿಸ್ ರಸ್ತೆಯನ್ನು ದಾಟಿ ಅಲ್ಲಿಂದ ಮುಂದಕ್ಕೆ ಪಾದಾಚಾರಿ ಮಾರ್ಗಕ್ಕೆ ಢಿಕ್ಕಿ ಹೊಡೆದು ನಿಂತಿದೆ.

  ಎರಡು ಅಡಿ ಮುಂದೆ ಸಾಗುತ್ತಿದ್ದರೆ ಅಲ್ಲೇ ಇದ್ದ ವಿದ್ಯುತ್ ಕಂಬಕ್ಕೆ ಢಿಕ್ಕಿ ಹೊಡೆದು ಮುಂದೆ ಇದ್ದ ಮನೆ ಮೇಲೆ ಬೀಳುವ ಅಪಾಯ ಇತ್ತೆನ್ನಲಾಗಿದೆ. ಈ ದುರಂತ ಸ್ವಲ್ಪದರಲ್ಲೇ ತಪ್ಪಿದೆ ಎನ್ನಲಾಗಿದೆ.

  ಸ್ಥಳಕ್ಕೆ ಬ್ರಹ್ಮಾವರ ಪೊಲೀಸರು ಆಗಮಿಸಿ ಪರಿಶೀಲನೆ ನಡೆಸಿದ್ದಾರೆ.