ಬೈಂದೂರು: ಬಿಜೆಪಿ ಶಾಸಕ‌ ಸುಕುಮಾರ್ ಶೆಟ್ಟಿ ಮತ ಚಲಾವಣೆ

•   Tue, Apr 23 2019 09:57:16 AM



• ಬೈಂದೂರು,ಏ 23 (Daijiworld News/MSP):ಕಳೆದ ಮೂರ್ನಾಲ್ಕು ತಿಂಗಳಿಂದ ರಾಜ್ಯದಲ್ಲಿ ಲೋಕಸಭೆ ಚುನಾವಣೆಯ ಕಾವು ಏರಿದ್ದು, ಮಂಗಳವಾರ ನಡೆಯುವ ಎರಡನೇ ಹಂತದ ಮತದಾನದ ಬಳಿಕ ಈ ಕಾವು ತಣ್ಣಗಾಗಲಿದೆ. 14 ಕ್ಷೇತ್ರಗಳಿಗೆ ನಡೆದ ಮೊದಲ ಹಂತದ ಮತದಾನ ನಿರೀಕ್ಷೆಗೂ ಮೀರಿದ ಯಶಸ್ವಿ ಕಂಡು ಬಂದ ಹಿನ್ನಲೆಯಲ್ಲಿ ಮಂಗಳವಾರ ಉಳಿದ 14 ಕ್ಷೇತ್ರಗಳಿಗೆ ಮತದಾನ ನಡೆಯಲಿದೆ.

  

  

  ಕರಾವಳಿಯಲ್ಲಿ ಶಿವಮೊಗ್ಗ ಲೋಕಸಭಾ ಕ್ಷೇತ್ರದ ವ್ಯಾಪ್ತಿಯಲ್ಲಿ ಬರುವ ಬೈಂದೂರು ವಿಧಾನಸಭಾ ಕ್ಷೇತ್ರದಲ್ಲಿ ಬೆಳಗ್ಗಿನಿಂದಲೇ ಶಾಂತಿಯುತವಾಗಿ ಜನ ಮತಗಟ್ಟೆಗೆ ಆಗಮಿಸಿ ಮತ ಚಲಾಯಿಸತೊಡಗಿದ್ದಾರೆ. ಇನ್ನು ಮತಗಟ್ಟೆ ಬೆಳಗ್ಗೆಯೇ ಆಗಮಿಸಿ ಸರತಿ ಸಾಲಿನಲ್ಲಿ ನಿಂತು ಬೈಂದೂರು ವಿಧಾನಸಭಾ ಕ್ಷೇತ್ರದ‌ ಬಿಜೆಪಿ ಶಾಸಕ‌ ಸುಕುಮಾರ್ ಶೆಟ್ಟಿ ಅವರು ಶಾರದಾ ಹಿರಿಯ ಪ್ರಾಥಮಿಕ ಶಾಲೆಯ ಮತಗಟ್ಟೆ ಸಂಖ್ಯೆ 144ರಲ್ಲಿ ಮತ ಚಲಾಯಿಸಿದರು.

  ಬೈದೂರಿನಲ್ಲಿ ಈವರೆಗೆ ಬೆಳಗ್ಗಿನಿಂದ 9 ಗಂಟೆಯ ಅವಧಿಯಲ್ಲಿ 13.49 % ಮತ ಚಲಾವಣೆಯಾಗಿದೆ.