ಕಾಸರಗೋಡು: ಕೊಲೆ ಪ್ರಕರಣ - ತಲೆ ಮರೆಸಿಕೊಂಡಿದ್ದ ಆರೋಪಿ ನ್ಯಾಯಾಲಯಕ್ಕೆ ಶರಣು

•   Tue, Jan 16 2024 07:00:16 PM



• ಕಾಸರಗೋಡು, ಜ 16 (DaijiworldNews/HR): ಎರಡು ವರ್ಷಗಳ ಹಿಂದೆ ಸೀತಾಂಗೋಳಿ ಮುಗುವಿನ ಅಬೂಬಕ್ಕರ್ ಸಿದ್ದೀಕ್ ಎಂಬವರನ್ನು ಕೊಲೆಗೈದ ಪ್ರಕರಣಕ್ಕೆ ಸಂಬಂಧಪಟ್ಟಂತೆ ತಲೆ ಮರೆಸಿಕೊಂಡಿದ್ದ ಆರೋಪಿ ಕಾಸರಗೋಡು ನ್ಯಾಯಾಲಯಕ್ಕೆ ಶರಣಾಗಿದ್ದಾನೆ.

  ಆರಿಕ್ಕಾಡಿ ಕಂಚಿಕಟ್ಟೆಯ ಅಬ್ದುಲ್ ರಜಾಕ್ (29) ಬಂಧಿತ ಆರೋಪಿ.

  ಆರೋಪಿ ಯ ಹೆಚ್ಚಿನ ವಿಚಾರಣೆಗೆ ಮಂಜೇಶ್ವರ ಪೊಲೀಸರು ವಶಕ್ಕೆ ತೆಗೆದುಕೊಂಡಿದ್ದಾರೆ. ಎರಡು ವರ್ಷಗಳ ಹಿಂದೆ ಪೈವಳಿಕೆಯಲ್ಲಿ ಅಬೂಬಕ್ಕರ್ ಸಿದ್ದೀಕ್ ನನ್ನು ಅಪಹರಿಸಿದ್ದ ತಂಡವು ಕಟ್ಟಿ ಹಾಕಿ ಥಳಿಸಿ ಕೊಲೆಗೈದು ಬಂದ್ಯೋಡಿನ ಆಸ್ಪತ್ರೆ ಬಳಿ ತೊರೆದು ಪರಾರಿಯಾಗಿತ್ತು.

  ಇನ್ನು ಕೃತ್ಯದಲ್ಲಿ 11 ಮಂದಿ ಶಾಮೀಲಾಗಿದ್ದರು. ಈ ಪೈಕಿ ರಜಾಕ್ ತಲೆಮರೆಸಿಕೊಂಡಿದ್ದನು.