ಕಾಸರಗೋಡು: ಅಂತಾರಾಜ್ಯ ಕಳ್ಳ ಪೊಲೀಸರ ವಶಕ್ಕೆ

•   Sat, Jan 13 2024 04:22:02 PM



• ಕಾಸರಗೋಡು, ಜ 13 (DaijiworldNews/HR): ಅಂತಾರಾಜ್ಯ ಕಳ್ಳನೋರ್ವನನ್ನು ಡಿವೈಎಸ್ಪಿಪಿ ಬಾಲಕೃಷ್ಣನ್ ನಾಯರ್ ನೇತೃತ್ವದ ಪೊಲೀಸ್ ತಂಡ ಬಂಧಿಸಿದೆ.

  ತೃಶ್ಯೂರು ಅಂಬಲ್ಲೂರಿನ ಶಿಬು ಪಿ.ಆರ್ (52) ಬಂಧಿತ ಆರೋಪಿ.

  ಈತ ಕೇರಳ ಹಾಗೂ ಕರ್ನಾಟಕದಲ್ಲಿ ಹಲವಾರು ಕಳವು ಪ್ರಕರಣಗಳ ಆರೋಪಿಯಾಗಿದ್ದಾನೆ. ಕರ್ನಾಟಕದಲ್ಲಿ ಕಳವು ಪ್ರಕರಣಗಳ ಆರೋಪಿ ಯಾಗಿರುವ ಈತ ಜೈಲು ವಾಸ ಅನುಭವಿಸಿ ಕಳೆದ ನವಂಬರ್ 16 ರಂದು ಬಿಡುಗಡೆಗೊಂಡಿದ್ದನು.

  ಜನವರಿ 6ರಂದು ಚಂದೇರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಕಳವು ನಡೆಸುತ್ತಿದ್ದಾಗ ಪೊಲೀಸರಿಂದ ತಪ್ಪಿಸಿ ಪರಾರಿಯಾಗಿ ದ್ದನು. ಜೊತೆಗಿದ್ದ ಶಿಬಿಲಿ ಯನ್ನು ಪೊಲೀಸರು ಬಂಧಿಸಿದ್ದರು. ಪರಾರಿಯಾಗಿದ್ದ ಶಿಬುನನ್ನು ಇಂದು ಪೊಲೀಸರು ಬಂಧಿಸಿದ್ದಾರೆ.

  ಪಯಂಗಡಿ , ತಲಶ್ಯೇರಿ, ಮಾಹೆ , ಕರ್ನಾಟಕದ ಸುಳ್ಯ, ಉಡುಪಿ ಅಲ್ಲದೆ ಹೊಸದುರ್ಗ, ಬೇಕಲ, ಚಂದೇರ, ಕಣ್ಣೂರು, ವಳಪಟ್ಟಣ, ತಳಿಪರಂಬ, ಮಟ್ಟನ್ನೂರು, ಬಾಲಷ್ಯೇ ರಿ, ಪಾಲಕ್ಕಾಡ್, ಕೋಜಿಕ್ಕೋಡ್ ಮೊದಲಾದ ಕಡೆಗಳಲ್ಲಿ ಈತನ ಮೇಲೆ ಪ್ರಕರಣ ಗಳಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ.