ಮಂಗಳೂರು:ಏರ್ ಇಂಡಿಯಾ ವಿಮಾನ ಏಕಾಏಕಿ ರದ್ದು:ಪರ್ಯಾಯ ವ್ಯವಸ್ಥೆ

•   Sun, Dec 24 2023 09:05:09 AM



• ಮಂಗಳೂರು,ಡಿ, 24 (daijiworldNews/RA):ಮಂಗಳೂರು ವಿಮಾನ ನಿಲ್ಧಾಣದಿಂದ ಬೆಂಗಳೂರಿಗೆ ತೆರಳಬೇಕಾಗಿದ್ದ ಏರ್ ಇಂಡಿಯಾ ವಿಮಾನ ರದ್ದಾದ ಕಾರಣ ಪ್ರಯಾಣಿಕರು ತಡರಾತ್ರಿಯವರೆಗೆ ಕಾಯಬೇಕಾದ ಪರಿಸ್ಥಿತಿ ಉಂಟಾಯಿತು.

  ಶನಿವಾರ ಮಂಗಳೂರಿನಿಂದ ಬೆಂಗಳೂರಿಗೆ ರಾತ್ರಿ 8.15ಕ್ಕೆ ತೆರಳಬೇಕಾಗಿದ್ದ ವಿಮಾನ ಎಷ್ಟೂ ಕಾದರೂ ಬಂದಿರಲಿಲ್ಲ.ಈ ವೇಳೆ ಸಿಟ್ಟಿಗೆದ್ದ ಪ್ರಯಾಣಿಕರು  ಏರ್ ಇಂಡಿಯಾ ಕಚೇರಿಯನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ.

  ಇದೇ ವೇಳೆ ಪ್ರಯಾಣಿಕರೊಬ್ಬರು ಮಾತನಾಡಿ ನೀವು ಕೊನೆಯ ಕ್ಷಣದಲ್ಲಿ ವಿಮಾನ ಇಲ್ಲ ಅಂದ್ರೆ ನಾವು ಏನು..?  ಮಾಡಬೇಕು ಎಂದು ಆಕ್ರೋಶವನ್ನು ಹೊರ ಹಾಕಿದ್ದಾರೆ.

  ಆ ಪ್ರಯಾಣಿಕರಲ್ಲಿ  ಕೆಲವರು ಬೆಂಗಳೂರಿಗೆ ಪರೀಕ್ಷೆ ಬರೆಯಲು ಹೊರಟವರೂ ಕೂಡ ಇದ್ದರು ಅನ್ನುವ ಮಾಹಿತಿ ಇದೆ.

  ಹೀಗಾಗಿ  ಪರ್ಯಾಯ ವ್ಯವಸ್ಥೆ ಮಾಡಿಕೊಡುವಂತೆ ಸಂಸ್ಥೆಯನ್ನು ಪ್ರಯಾಣಿಕರು  ಒತ್ತಾಯಿಸಿದ್ದಾರೆ. ತಡರಾತ್ರಿ 2.30ಕ್ಕೆ ಪರ್ಯಾಯ ವಿಮಾನದ ವ್ಯವಸ್ಥೆ ಮಾಡಲಾಗಿದೆ ಎಂದು ಮೂಲಗಳು ತಿಳಿಸಿವೆ.