ಉಡುಪಿ: ಬಸ್ಸಿನಡಿಗೆ ಸಿಲುಕಿದ ಸೈಕಲ್ ಸವಾರ - ಪವಾಡಸದೃಶ್ಯ ಪ್ರಾಣಾಪಾಯವಿಲ್ಲದೇ ಪಾರು

•   Sat, Dec 23 2023 11:28:37 AM



• ಉಡುಪಿ, ಡಿ 23 (DaijiworldNews/MS): ಬಸ್ಸಿನಡಿಗೆ ಬಿದ್ದ ಸೈಕಲ್‌ ಸವಾರ ಅದೃಷ್ಟವಶಾತ್‌ ಯಾವುದೇ ಪ್ರಾಣಾಪಾಯವಿಲ್ಲದೆ, ಪವಾಡ ಸದೃಶವಾಗಿ ಪಾರಾದ ಘಟನೆ ಕುಂದಾಪುರದ ಶಾಸ್ತ್ರಿ ಸರ್ಕಲ್‌ ಬಳಿ ನಡೆದಿದ್ದುಈ ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

  ಈ ಹಿಂದೆ ನಡೆದ ಘಟನೆ ಇದಾಗಿದ್ದು, ತಡವಾಗಿ ಬೆಳಕಿಗೆ ಬಂದಿದ್ದು, ಶಾಸ್ತ್ರಿ ಸರ್ಕಲ್‌ ಬಳಿ ಸೈಕಲ್‌ನಲ್ಲಿ ತೆರಳುತ್ತಿದ್ದ ವ್ಯಕ್ತಿಯೊಬ್ಬರು ಬೈಂದೂರು ಕಡೆಗೆ ಏಕಾಏಕಿ ತಿರುಗುತ್ತಿದ್ದ ಖಾಸಗಿ ಬಸ್‌ನಡಿಗೆ ಬಿದ್ದಿದ್ದಾರೆ.

  ಈ ವೇಳೆ ಬಸ್ಸನ್ನು ಚಾಲಕ ನಿಲ್ಲಿಸಿದ್ದರಿಂದ ಯಾವುದೇ ಅನಾಹುತ ಆಗಿಲ್ಲ. ಇಲ್ಲದಿದ್ದರೆ ಸೈಕಲ್‌ ಸವಾರರಿಗೆ ಜೀವಕ್ಕೆ ಅಪಾಯವಾಗುವ ಆಗುವ ಸಾಧ್ಯತೆ ಇತ್ತು.

  ಇದೆಲ್ಲ ದೃಶ್ಯವೂ ಬೈಕ್ ಸವಾರರೊಬ್ಬರ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.