ಡಿ.25, 27, ಹೊಸವರ್ಷದಂದು ದಾಯ್ಜಿವರ್ಲ್ಡ್ ನಲ್ಲಿ ಮೂಡಿಬರಲಿದೆ ಬ್ಲಾಕ್‌ಬಸ್ಟರ್ ತುಳು ಸಿನಿಮಾ'ಸೋಡಾ ಶರ್ಬತ್'

•   Thu, Dec 21 2023 04:32:41 PM



• ಮಂಗಳೂರು, ಡಿ.21(DaijiworlsNews/RA):ಕ್ರಿಸ್ ಮಸ್ ಹಬ್ಬ ಸಂಭ್ರಮ ಹೆಚ್ಚಿಸಲು DaijiworldTV24x7 ವಾಹಿನಿಯಲ್ಲಿ ಪ್ರಪ್ರಥಮ ಬಾರಿಗೆ ಬ್ಲಾಕ್ ಬಸ್ಟರ್ ತುಳು ಸಿನಿಮಾ "ಸೋಡಾ ಶರ್ಬತ್" ಪ್ರದರ್ಶಗೊಳ್ಳಲಿದೆ. ಡಿ.25 ರ ಕ್ರಿಸ್ ಮಸ್ ದಿನದಂದು ಮಧ್ಯಾಹ್ನ 2 ಗಂಟೆಗೆ ಸಿನಿಮಾ ಕಿರುತೆರೆಯಲ್ಲಿ ಮೂಡಿಬರಲಿದೆ.

  

   

  ಅನಿವಾಸಿ ಭಾರತೀಯರಿಗಾಗಿಯೇ ಚಿತ್ರದ ರಿಪೀಟ್ ಶೋ ಅನ್ನು ಡಿಸೆಂಬರ್ 27 ರಂದು ಸ್ಥಳೀಯ ಸಮಯ ರಾತ್ರಿ 10 ಗಂಟೆಗೆ (ಯುಎಇ ಸಮಯ ರಾತ್ರಿ 8:30) ನಿಗದಿಪಡಿಸಲಾಗಿದೆ. ಹೊಸ ವರ್ಷದ ದಿನವಾದ ಜನವರಿ 1 ರಂದು ಮಧ್ಯಾಹ್ನ 2 ಗಂಟೆಗೆ ಚಿತ್ರ ಮರುಪ್ರದರ್ಶಗೊಳ್ಳಲಿದೆ.

  ದಾಯ್ಜಿವರ್ಲ್ಡ್‌ನೊಂದಿಗೆ ಮಾತನಾಡಿದ ಸೋಡಾ ಶರ್ಬತ್ ಚಿತ್ರದ ನಿರ್ದೇಶಕ ಪ್ರದೀಪ್ ಬರ್ಬೋಜಾ, "ಸೋಡಾ ಶರ್ಬತ್ ಸಿನಿಮಾಕ್ಕೆ ಕರಾವಳಿ ಕರ್ನಾಟಕ ಮತ್ತು ಯುಎಇಯ ಚಿತ್ರಮಂದಿರಗಳಲ್ಲಿ ಅದ್ಬುತ ಪ್ರತಿಕ್ರಿಯೆ ದೊರಕ್ಕಿತ್ತು. ಆದರೆ ಕನ್ನಡ ಮತ್ತು ಹಿಂದಿ ಸಿನಿಮಾಗಳು ಅಂದು ದೊಡ್ಡ ಪ್ರಮಾಣದಲ್ಲಿ ಬಿಡುಗಡೆಯಾದ ಕಾರಣ ನಮಗೆ ಹೆಚ್ಚಿನ ಪ್ರದರ್ಶನಗಳನ್ನು ನೀಡಲು ಸಾಧ್ಯವಾಗಲಿಲ್ಲ. ಈ ಮಧ್ಯೆ ಕುವೈತ್, ಬಹ್ರೇನ್, ಓಮನ್ ಮತ್ತು ಸೌದಿ ಅರೇಬಿಯಾದಿಂದ ತುಳು ಚಿತ್ರಪ್ರೇಮಿಗಳಿಂದ ಚಿತ್ರದ ಪ್ರದರ್ಶನಕ್ಕೆ ಒತ್ತಾಯ ಕೇಳಿಬಂದಿತ್ತು.ಇದೀಗ ಎಲ್ಲಾ ತುಳು ಚಲನಚಿತ್ರ ಪ್ರೇಮಿಗಳಿಗೆ ಸೋಡಾ ಶರ್ಬತ್ ಕ್ರಿಸ್ಮಸ್ ಮತ್ತು ಹೊಸ ವರ್ಷದ ಉಡುಗೊರೆಯಾಗಿ ದಾಯ್ಜಿವಲ್ಡ್ ಟಿವಿಯಲ್ಲಿ ಚಲನಚಿತ್ರವನ್ನು ವೀಕ್ಷಿಸಬಹುದು. ನಮ್ಮ ಸಿನಿಮಾವನ್ನು ದಾಯ್ಜಿವಲ್ಡ್ ವಾಹಿನಿಯಲ್ಲಿ ಬಿಡುಗಡೆ ಮಾಡಲು ನಾನು ತುಂಬಾ ಉತ್ಸುಕನಾಗಿದ್ದೇನೆ" ಎಂದು ಹೇಳಿದ್ದಾರೆ.

  ನವರಸ ರಾಜ ಖ್ಯಾತಿಯ ಭೋಜರಾಜ್ ವಾಮಂಜೂರು, ತೆಲಿಕೆದ ಬೊಳ್ಳಿ ಖ್ಯಾತಿಯ ದೇವದಾಸ್ ಕಾಪಿಕಾಡ್, ಉಮೇಶ್ ಮಿಜಾರ್, ಪ್ರಸನ್ನ ಬೈಲೂರು, ಅರವಿಂದ ಬೋಳಾರ್, ಕೊಂಕಣಿಯ ಖ್ಯಾತ ನಟ ಮೆಲ್ಲು ವೆಲೆನ್ಸಿಯಾ, ಲವೀನಾ ಫೆರ್ನಾಂಡಿಸ್, ರಂಜಿತಾ ಸೇರಿದಂತೆ ಹಲವು ಕಲಾವಿದರು ಚಿತ್ರದ ತಾರಾಗಣದಲ್ಲಿದ್ದಾರೆ.

  'ಸೋಡಾ ಶರ್ಬತ್' ಚಿತ್ರವನ್ನು ಪ್ರದೀಪ್ ಬರ್ಬೋಜಾ ನಿರ್ದೇಶಿಸಿದ್ದು ಮೆಲ್ವಿನ್ ಎಲ್ಪೆಲ್ ಕಾರ್ಯಕಾರಿ ನಿರ್ಮಾಪಕರಾಗಿ ಕೆಲಸ ಮಾಡಿದ್ದಾರೆ, ಪ್ಯಾಟ್ಸನ್ ಪೆರಿಯಾರ ಸಂಗೀತ ಸಂಯೋಜನೆ, ಗಣೇಶ್ ನೀರ್ಚಾಲ್ ಸಂಕಲನ ಮತ್ತು DOP ಅನ್ನು ಸಂತೋಷ್ ಗುಂಪಾಲಾಜೆ ನಿರ್ವಹಿಸಿದ್ದಾರೆ.