ಹೆಬ್ರಿಯಲ್ಲಿ ಬೈಕ್‍ಗಳೆರಡರ ನಡುವೆ ಮುಖಾಮುಖಿ: ಸವಾರರು ಗಂಭೀರ

•   Sat, Dec 09 2023 07:27:50 PM



• ಉಡುಪಿ,ಡಿ09(DaijiworldNews/RA):ಬೈಕ್‍ಗಳೆರಡರ ನಡುವೆ ಮುಖಾಮುಖಿ ಡಿಕ್ಕಿಯಾಗಿ ಸವಾರರು ಗಂಭೀರವಾಗಿ ಗಾಯಗೊಂಡ ಘಟನೆ ಉಡುಪಿ ಜಿಲ್ಲೆಯ ಹೆಬ್ರಿ ತಾಲೂಕಿನಲ್ಲಿ ನಡೆದಿದೆ.

  
  ಇಲ್ಲಿನ ಮುದ್ರಾಡಿ ಗ್ರಾಮದ ಬಲ್ಲಾಡಿ ಈಶ್ವರ ನಗರ ಬಳಿ ಡಿ. 6 ರಂದು ಈ ಅಪಘಾತ ಸಂಭವಿಸಿದೆ.

  ಬಲ್ಲಾಡಿ ಈಶ್ವರ ನಗರ ಕಡೆಯಿಂದ ಮುದ್ರಾಡಿ ಕಡೆಗೆ ಜಯಕರ ಹಾಗೂ ಸಹಸವಾರ ಶ್ರೀನಿವಾಸ್ ಬಲ್ಲಾಡಿ ಬೈಕ್ ನಲ್ಲಿ ಸಾಗುತ್ತಿದ್ದಾಗ ಮುದ್ರಾಡಿ ಕಡೆಯಿಂದ ಬಲ್ಲಾಡಿ ಈಶ್ವರ ನಗರ ಕಡೆಗೆ ಅಭಯ ಕಚ್ಚಪ್ಪ ಎಂಬವರು ಸವಾರಿ ಮಾಡುತ್ತಿದ್ದ ಬೈಕ್ ಡಿಕ್ಕಿಯಾಗಿ ಅಪಘಾತ ಸಂಭವಿಸಿದೆ.

  ಈ ವೇಳೆ ಸವಾರರು ಬೈಕ್ ಸಮೇತ ರಸ್ತೆಗೆ ಬಿದ್ದಿದ್ದು, ಸಹ ಸವಾರ ಶ್ರೀನಿವಾಸ, ಸವಾರ ಜಯಕರ ಆಚಾರ್ಯ ಗಾಯಗೊಂಡಿದ್ದಾರೆ.ಈ ಬಗ್ಗೆ ಹೆಬ್ರಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದ್ದು,ತನಿಖೆ ಮುಂದುವರೆದಿದೆ.