ಕಾಸರಗೋಡು: ಮನೆ ಅಂಗಳದಿಂದ ಅಡಿಕೆ ಕಳ್ಳತನ- ಇಬ್ಬರ ಬಂಧನ

•   Wed, Dec 06 2023 06:39:28 PM



• ಕಾಸರಗೋಡು , ಡಿ 06 (DaijiworldNews/AK): ಮನೆ ಅಂಗಳದಲ್ಲಿ ಒಣ ಗಳು ಹಾಕಲಾಗಿದ್ದ ಸುಮಾರು ನಾಲ್ಕು ಸಾವಿರದಷ್ಟು ಅಡಿಕೆ ಯನ್ನು ಕಳವುಗೈದ ಘಟನೆ ಮುಳ್ಳೆರಿಯಾ ದಲ್ಲಿ ನಡೆದಿದೆ.ಕಳವು ಪ್ರಕರಣ ಕ್ಕೆ ಸಂಬಂಧ ಪಟ್ಟಂತೆ ಇಬ್ಬರು ಆರೋಪಿಗಳನ್ನು ಬಂಧಿಸಲಾಗಿದೆ.

  ಮುಳ್ಳೆರಿಯಾ ಪಾರಕ್ಕಾಲ್ ನ ರೋಬಿನ್ (45), ಪೇರಡ್ಕ ದ ಹರೀಶ್ ಕುಮಾರ್ (40) ಬಂಧಿತ ಆರೋಪಿಗಳು.ಮುಳ್ಳೆರಿಯಾ ದ ವೈದ್ಯ ಸುಕೇಶ್ ರಾಜ್ ರವರ ಮನೆ ಅಂಗಳ ದಿಂದ ಸುಮಾರು ನಾಲ್ಕು ಸಾವಿರ ದಷ್ಟು ಅಡಿಕೆ ಗಳನ್ನು ಕಳವು ಗೈದಿದ್ದರು. ಬೆಳಿಗ್ಗೆ ಗಮನಿಸಿದಾಗ ಕಳವು ನಡೆದಿರುವುದು ಕಂಡು ಬಂದಿತ್ತು . ಈ ಬಗ್ಗೆ ಆದೂರು ಠಾಣಾ ಪೊಲೀಸರಿಗೆ ದೂರು ನೀಡಲಾಗಿತ್ತು.

  ಪೊಲೀಸರು ನಡೆಸಿದ ತನಿಖೆಯಿಂದ ಆರೋಪಿಗಳ ಬಗ್ಗೆ ಲಭಿಸಿದ ಸುಳಿವಿನಂತೆ ಇಬ್ಬರನ್ನು ಬಂಧಿಸಲಾಗಿದೆ . ಇಬ್ಬರು ಆರೋಪಿಗಳು ಮಂಗಳವಾರ ರಾತ್ರಿ ಗೋಣಿ ಚೀಲ ದಲ್ಲಿ ಹೊತ್ತೊಯ್ಯುತ್ತಿರುವುದನ್ನು ಗಮನಿಸಿ ಇವರ ಬಗ್ಗೆ ಸಂಶಯಗೊಂಡು ಪೊಲೀಸರಿಗೆ ಮಾಹಿತಿ ನೀಡಿದ್ದರು ಇದರಂತೆ ಇಬ್ಬರು ಆರೋಪಿಗಳನ್ನು ಬಂಧಿಸಲಾಗಿದೆ