ಕಾಸರಗೋಡು: ಹೋಟೆಲ್ ಮಾಲಕರೋರ್ವರ ಕಾರು ಸೇತುವೆ ಮೇಲೆ ಪತ್ತೆ -ನದಿಗೆ ಹಾರಿರುವ ಶಂಕೆ

•   Fri, Nov 24 2023 08:23:49 PM



• ಕಾಸರಗೋಡು, ನ 24 (DaijiworldNews/HR): ಹೋಟೆಲ್ ಮಾಲಕರೋರ್ವರ ಕಾರು ಸೇತುವೆ ಮೇಲೆ ಪತ್ತೆಯಾಗಿದ್ದು, ನದಿಗೆ ಹಾರಿರಬಹುದು ಎಂಬ ಸಂಶಯದ ಹಿನ್ನಲೆಯಲ್ಲಿ ಕಾಸರಗೋಡು ಪೊಲೀಸರು ಮತ್ತು ಅಗ್ನಿಶಾಮಕ ದಳದ ಸಿಬಂದಿಗಳು ಶೋಧ ನಡೆಸುತ್ತಿದ್ದಾರೆ.

  ಕಾಸರಗೋಡು ಚಂದ್ರಗಿರಿ ಜಂಕ್ಷನ್ ನ ಹೋಟೆಲ್ ಮಾಲಕ ಉಳಿಯತ್ತಡ್ಕದ ಬಿ.ಎಂ ಹಸೈನಾರ್ (46) ನಾಪತ್ತೆಯಾದವರು.

  ಬೆಳಿಗ್ಗೆ ಆರು ಗಂಟೆ ಸುಮಾರಿಗೆ ಕಾರಿನಲ್ಲಿ ಬಂದ ಇವರು ಚಪ್ಪಲಿಯನ್ನು ಕಳಚಿಟ್ಟು ನದಿಗೆ ಹಾರಿರುವುದಾಗಿ ಪ್ರತ್ಯಕ್ಷದರ್ಶಿಯೋರ್ವರು ಪೊಲೀಸರಿಗೆ ಮಾಹಿತಿ ನೀಡಿದ್ದು, ಇದರಂತೆ ಶೋಧ ನಡೆಯುತ್ತಿದೆ.