ನಾನು 2014ರಲ್ಲೂ ಮಂಗಳೂರಿಗೆ ಹೋಗಿದ್ದೆ, ಆದರೆ ಈ ಬಾರಿಯ ಜನ‌ ನೋಡಿ ಆಶ್ಚರ್ಯಚಕಿತನಾದೆ - ಮೋದಿ

•   Tue, Apr 16 2019 09:21:29 AM



• ಮಂಗಳೂರು, ಎ16(Daijiworld News/SS): ಎ.13ರಂದು ಮಂಗಳೂರಿನಲ್ಲಿ ಬಿಜೆಪಿ ರ್ಯಾಲಿಯಲ್ಲಿ ಭಾಗವಹಿಸಿದ್ದ ಪ್ರಧಾನಿ ನರೇಂದ್ರ ಮೋದಿ ಈ ಬಾರಿಯ ಜನಸ್ತೋಮ ಕಂಡು ಆಶ್ಚರ್ಯ ವ್ಯಕ್ತಪಡಿಸಿದ್ದಾರೆ. 

  

   

  ಪ್ರಧಾನಿ ಮೋದಿ ದೂರದರ್ಶನಕ್ಕೆ ನೀಡಿದ ಸಂದರ್ಶನದಲ್ಲಿ ಈ ಬಗ್ಗೆ ಮಾತನಾಡಿದ್ದು, ನಾನು 2014ರಲ್ಲೂ ಅಲ್ಲಿಗೆ ಹೋಗಿದ್ದೆ. ಆಗ ಅಷ್ಟು ಜನ ಸೇರಿರಲಿಲ್ಲ. ಈ ಬಾರಿಯ ಜನ‌ ನೋಡಿ ಆಶ್ಚರ್ಯಚಕಿತನಾಗಿದ್ದೆ ಎಂದು ಹೇಳಿದ್ದಾರೆ. 

  ವಾಸ್ತವದಲ್ಲಿ ಅದೊಂದು ರೋಡ್ ಶೋ ಆಗಿರಲಿಲ್ಲ. ನಾನು ತನ್ನಷ್ಟಕ್ಕೆ ಮರಳುತ್ತಿದ್ದೆ. ಅಲ್ಲಿ ಜನಸ್ತೋಮ ಕಂಡು ಕಾರಿನಿಂದ ತಲೆ ಹೊರಗೆ ಹಾಕಿ ಕೈಬೀಸಿದೆ. ಅದನ್ನು ಮೇಲಿನಿಂದ ಯಾರೋ ವೀಡಿಯೊ ಮಾಡಿದ್ದಾರೆ. ಆ ವೀಡಿಯೊ ನೋಡುವಾಗ ಸಮುದ್ರದ ಅಲೆಯಂತೆ ಕಂಡಿದೆ ಎಂದು ಹೇಳಿದ್ದಾರೆ. 

  ಮಂಗಳೂರಿಗೆ ಆಗಮಿಸಿದ ದಿನ ಪ್ರಧಾನಿ ನರೇಂದ್ರ ಮೋದಿ ತಮಗೆ ದೊರೆತ ಸ್ವಾಗತದ ಬಗ್ಗೆ ಬಹಳ ಸಂತಸ ವ್ಯಕ್ತಪಡಿಸಿ, ತಮ್ಮ ಫೇಸ್‌ಬುಕ್ ಪುಟದಲ್ಲಿ ಫೋಟೋಗಳನ್ನು ಪ್ರಕಟಿಸಿದ್ದರು. ಇದೀಗ ದೂರದರ್ಶನಕ್ಕೆ ನೀಡಿದ ಸಂದರ್ಶನದಲ್ಲಿಯೂ ಮಂಗಳೂರಿನ ಜನತೆಯ ಪ್ರೀತಿಯನ್ನು ನೆನಪಿಸಿಕೊಂಡಿದ್ದಾರೆ.