ಮಂಗಳೂರು: ದಾಯ್ಜಿವಲ್ಡ್ ಅಂದದ ಶಾರದೆ ಸ್ಪರ್ಧೆ- ವಿಜೇತೆಯಾದ ರಿಧಿ ಶೆಟ್ಟಿ

•   Tue, Nov 07 2023 09:24:02 PM



• ಮಂಗಳೂರು, ನ 07 (DaijiworldNews/MS): ದಾಯ್ಜಿವಲ್ಡ್ ವಾಹಿನಿಯು , ವಿನ್ಸಿ ಇಡ್ಲಿ ಮಾರ್ಕೆಟ್ ಪ್ರಾಯೋಜಕತ್ವದಲ್ಲಿ ನವರಾತ್ರಿಗಾಗಿ ಆಯೋಜಿಸಿದ್ದ ವಿನೂತನ ಸ್ಪರ್ಧೆ "ಅಂದದ ಶಾರದೆ" ಸ್ಪರ್ಧೆಯಲ್ಲಿ ಕಿನ್ನಿಗೋಳಿಯ ರಿಧಿ ಎಚ್. ಶೆಟ್ಟಿ ಪ್ರಥಮ ಸ್ಥಾನ ಪಡೆದು 10 ಸಾವಿರ ನಗದು ಬಹುಮಾನ, ಫಲಕ ಹಾಗೂ ಪ್ರಶಸ್ತಿ ಪತ್ರವನ್ನು ತಮ್ಮದಾಗಿಸಿಕೊಂಡಿದ್ದಾರೆ.

  

  

  

  

  

  

  

  

  

  

  

  

  ದಾಯ್ಜಿವಲ್ಡ್ ವಾಹಿನಿ ಕಚೇರಿಯಲ್ಲಿ ನಡೆದ ಬಹುಮಾನ ವಿತರಣೆ ಕಾರ್ಯಕ್ರಮದಲ್ಲಿ ದಾಯ್ಜಿವಲ್ಡ್ ನ ಮಾನವ ಸಂಪನ್ಮೂಲ ನಿರ್ದೇಶಕರಾದ ರೊನಾಲ್ಡ್ ನಜ್ರತ್, ಮಾರ್ಕೆಟಿಂಗ್ ಹೆಡ್ ಪ್ರವೀಣ್ ತಾವ್ರೋ, ಪ್ರೊಡಕ್ಷನ್ ಡೈರೆಕ್ಟರ್ ಸ್ಟ್ಯಾನಿ ಬೇಳ, ಕಾರ್ಯಕ್ರಮ ಸಂಯೋಜಕರು, ಪ್ರೊಡಕ್ಷನ್ ಮ್ಯಾನೇಜರ್ ಪ್ರಶಾಂತ್ ಸಿ.ಕೆ ಅಂದದ ಶಾರದೆಯರಿಗೆ ಬಹುಮಾನ ವಿತರಿಸಿದರು.

  ತೀರ್ಪುಗಾರರ ಮೆಚ್ಚುಗೆಗೆ ಪಾತ್ರರಾದ ಭಕ್ತಿ ಜಿ ಕನ್ಯಾಡಿ, ಹಂಸಿನಿ ಎಚ್. ಆಚಾರ್ಯ ಗುಂಡಿಬೈಲ್ ಉಡುಪಿ, ರಿತುಶ್ರೀ ಕಾಡಬೆಟ್ಟು ಉಡುಪಿ, ಚಾರ್ವಿ ಕುತ್ತಾರ್, ವೈಷ್ಣವಿ ಸಂತೆಕಟ್ಟೆ ಉಡುಪಿ, ಅರ್ಘ್ಯ ಆರ್. ಪೂಜಾರಿ ಆರು ಮಂದಿ ಅಂದದ ಶಾರದೆಯರಿಗೆ ಪ್ರಶಸ್ತಿ ಪತ್ರ, ಫಲಕ ಹಾಗೂ ಲಕ್ಕಿ ಕೂಪನ್ ನೀಡಿ ಗೌರವಿಸಲಾಯಿತು.

  ಅಂದದ ಶಾರದೆ ಸ್ಪರ್ಧೆಗೆ ದಕ್ಷಿಣ ಕನ್ನಡ ಜಿಲ್ಲೆ ಸೇರಿದಂತೆ ಹೊರ ರಾಜ್ಯ ಹಾಗೂ ಜಿಲ್ಲೆಗಳಿಂದ ಮುನ್ನೂರಕ್ಕೂ ಅಧಿಕ ವೀಡಿಯೋಗಳು ಬಂದಿತ್ತು. ಆರಂಭದ ಹಂತದಲ್ಲಿ ಐವತ್ತು ವೀಡಿಯೋಗಳನ್ನು ಆಯ್ಕೆ ಮಾಡಿ, ಅದರಲ್ಲಿ ಸ್ಪರ್ಧೆಗೆ ನೀಡಿರುವ ಎಲ್ಲಾ ನಿಯಮಗಳನ್ನು ಪಾಲಿಸಿದ ಶಾರದೆಯರನ್ನೊಳಗೊಂಡ ಟಾಪ್ ೧೦ ವೀಡಿಯೋಗಳನ್ನು ಆಯ್ಕೆ ಮಾಡಲಾಗಿತ್ತು. ಅಂತಿಮವಾಗಿ ಪ್ರಸಿದ್ಧ ನಟರು, ನುರಿತ ವೀಡಿಯೋ ಸಂಕಲನಕಾರರು, ವೀಡಿಯೋ ಗ್ರಾಫರ್, ಧಾರವಾಹಿ ನಿರ್ದೇಶಕರು ಹಾಗೂ ಮೇಕಪ್ ಆರ್ಟಿಸ್ಟ್ ಗಳನ್ನೊಳಗೊಂಡ ನುರಿತ ತೀರ್ಪುಗಾರರ ತಂಡದಿಂದ ೭ ಮಂದಿ ಶಾರದೆಯರನ್ನು ಆಯ್ಕೆಮಾಡಿ, ಪ್ರಥಮ ಬಹುಮಾನ ಘೋಷಿಸಲಾಯಿತು. ದಾಯ್ಜಿವಲ್ಡ್ ವಾಹಿನಿ ಮೊದಲ ಬಾರಿಗೆ ಆಯೋಜಿಸಿದ್ದ ಅಂದದ ಶಾರದೆ ಸ್ಪರ್ಧೆಗೆ ಉತ್ತಮ ಸ್ಪಂದನೆ ದೊರಕಿದ್ದು, ಮುಂದಿನ ಬಾರಿಯೂ ಈ ಸ್ಪರ್ಧೆಯನ್ನು ಮುಂದುವರಿಸುವ ಇರಾದೆ ಸಂಸ್ಥೆ ಹೊಂದಿದೆ.