ಕರಾವಳಿಯಲ್ಲಿ ವೈರಲ್ ಆಯ್ತು ಪ್ರಧಾನಿ ಮೋದಿಯ ಫೇಸ್‌ಬುಕ್ ಪೋಸ್ಟ್

•   Mon, Apr 15 2019 03:14:33 PM



• ಮಂಗಳೂರು, ಎ15 (SS): ಎ.13ರಂದು ಪ್ರಧಾನಿ ನರೇಂದ್ರ ಮೋದಿ ಮಂಗಳೂರು ಭೇಟಿ ಸಂದರ್ಭ ತಮಗೆ ದೊರೆತ ಸ್ವಾಗತದ ಬಗ್ಗೆ ಬಹಳ ಸಂತಸ ವ್ಯಕ್ತಪಡಿಸಿದ ಫೋಟೋಗಳನ್ನು ತಮ್ಮ ಫೇಸ್‌ಬುಕ್ ಪುಟದಲ್ಲಿ ಪ್ರಕಟಿಸಿದ್ದರು.

  

  ಕರಾವಳಿಯಲ್ಲಿ ಮೋದಿ ಹಾಕಿದ ಈ ಫೇಸ್‌ಬುಕ್ ಪೋಸ್ಟ್ ಬಾರಿ ವೈರಲ್ ಆಗಿದ್ದು, ಮೋದಿ ಅಭಿಮಾನಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಶೇರ್ ಮಾಡಿದ್ದಾರೆ. ಈ ಪೋಸ್ಟ್ ಬಗ್ಗೆ ಕರಾವಳಿಯಲ್ಲಿ ಬಾರೀ ಮೆಚ್ಚುಗೆ ವ್ಯಕ್ತವಾಗಿದೆ. 

  ಪ್ರಧಾನಿ ಮೋದಿ  ಬಿಜೆಪಿಯ ವಿಜಯ ಸಂಕಲ್ಪ ರ್ಯಾಲಿಯಲ್ಲಿ ಪಾಲ್ಗೊಳ್ಳಲು ಎ.13ರಂದು ಶನಿವಾರ ಸಂಜೆ ಮಂಗಳೂರಿಗೆ ಆಗಮಿಸಿದ್ದರು. 
  
  ವಿಮಾನ ನಿಲ್ದಾಣದಿಂದ ರ್ಯಾಲಿ ನಡೆಯುವ ಕೇಂದ್ರ ಮೈದಾನದವರೆಗೂ ರಸ್ತೆಯ ಇಕ್ಕೆಲಗಳಲ್ಲಿ ಲಕ್ಷಾಂತರ ಜನ ಮಾನವ ಗೋಡೆ ನಿರ್ಮಿಸಿದ್ದರು ಎಂದು ಮೋದಿ ಅವರು ತಮ್ಮ ಭಾಷಣದ ವೇಳೆ ಹೇಳಿದ್ದರು. ಕರ್ನಾಟಕ ಕರಾವಳಿಯ ಜನರ ಅಭಿಮಾನಕ್ಕೆ ತಾವು ಋಣಿ ಎಂದೂ ಪ್ರಧಾನಿ ಹೇಳಿದ್ದರು.  ಜತೆಗೆ, ಮಂಗಳೂರಿನ ಬೀದಿಗಳಲ್ಲಿ ಕೇಸರಿ ಸಮುದ್ರವೇ ಹರಿಯುತ್ತಿದೆ. ಮೈದಾನದಲ್ಲೂ ಕೇಸರಿ ಅಲೆಗಳು ರಾರಾಜಿಸುತ್ತಿವೆ ಎಂದು ಮೋದಿ ಮೆಚ್ಚುಗೆ ವ್ಯಕ್ತಪಡಿಸಿದ್ದರು.