ಮಂಗಳೂರು: ಹಿಂದುತ್ವದಲ್ಲಿ ಅಪಾರ ನಂಬಿಕೆಯುಳ್ಳ ಮಿಥುನ್ ರೈಗೆ ಆರೆಸ್ಸೆಸ್, ಬಿಜೆಪಿಗರೂ ಕೂಡಾ ಮತ ಹಾಕಿ - ಡಿಕೆಶಿ

•   Mon, Apr 15 2019 01:27:41 PM



• ಮಂಗಳೂರು, ಏ 15 (MSP): ರಾಜಕಾರಣದಲ್ಲಿ ಧರ್ಮವಿರಬೇಕು, ಆದರೆ ಧರ್ಮದಲ್ಲಿ ರಾಜಕಾರಣ ಇರಬಾರದು. ನಮ್ಮಲ್ಲಿ ಕೇಸರಿ ಜೊತೆಗೆ ಬಿಳಿ, ಹಸಿರೂ ಇದೆ. ನಾವು ಹಿಂದುತ್ವ ಪಾಲಿಸುತ್ತೇವೆ. ನಾನು ಬಿಜೆಪಿ, ಆರ್ ಎಸ್ಎಸ್ ಕಾರ್ಯಕರ್ಯರಿಗೆ ಕೈ ಮುಗಿಯುತ್ತೇನೆ. ಈ ಬಾರಿ ಎಲ್ಲರನ್ನು ಜೊತೆಯಾಗಿ ಕರೆದುಕೊಂಡು ಹೋಗುವ ಮೈತ್ರಿ ಪಕ್ಷದ ಅಭ್ಯರ್ಥಿ ಮಿಥುನ್ ರೈಗೆ ಮತ ಹಾಕಿಜಿಲ್ಲೆಯಲ್ಲಿ ಬದಲಾವಣೆ ತನ್ನಿ ಎಂದು ಸಚಿವ ಡಿ.ಕೆ.ಶಿವಕುಮಾರ್ ಕರೆ ನೀಡಿದ್ದಾರೆ.

  

  

  
  ದ.ಕ. ಜಿಲ್ಲಾ ಕಾಂಗ್ರೆಸ್ ಕಚೇರಿಯಲ್ಲಿ ಸೋಮವಾರ ಪತ್ರಿಕಾಗೋಷ್ಟಿ ನಡೆಸಿ ಮಾತನಾಡಿದ ಅವರು ಕಾಂಗ್ರೆಸ್ ಪಕ್ಷವೂ ವ್ಯಕ್ತಿ ಪೂಜೆಯನ್ನು ಮಾಡಲ್ಲ, ಪಕ್ಷವನ್ನ ಪೂಜಿಸುತ್ತೇವೆ. ಆದರೆ ಬಿಜೆಪಿ ವ್ಯಕ್ತಿ ಪೂಜೆಯನ್ನು ಮಾಡುವ ಪಕ್ಷ. ಈ ಬಾರಿ ಎಲ್ಲರನ್ನು ಜೊತೆಯಾಗಿ ಕರೆದುಕೊಂಡು ಹೋಗುವ ದ.ಕ ಅಭಿವೃದ್ದಿಗೆ ಶ್ರಮಿಸುವ ಮಿಥುನ್ ರೈ ಗೆ ಮತ ಹಾಕಿ ಜಿಲ್ಲೆಯಲ್ಲಿ ಬದಲಾವಣೆ ತನ್ನಿ ಎಂದು ವಿನಂತಿಸಿದ್ದಾರೆ.

  ಕಳೆದ 10 ವರ್ಷಗಳಲ್ಲಿ ದ.ಕ. ಸಂಸದ, ಬಿಜೆಪಿ ಅಭ್ಯರ್ಥಿ ನಳಿನ್ ಕುಮಾರ್ ಅವರು ಅಭಿವೃದ್ಧಿ ವಿಚಾರದಲ್ಲಿ ಮಾಡಿರುವ ಸಾಧನೆಯ ರಿಪೋರ್ಟ್ ಕಾರ್ಡ್ ಬಿಡುಗಡೆ ಮಾಡಲಿ. ಜಿಲ್ಲೆಯಲ್ಲಿ ಕಿಂಚಿತ್ತು ಅಭಿವೃದ್ದಿ ಕಾರ್ಯಗಳಾಗಿಲ್ಲ. ಆದರೆ ಮಿಥುನ್ ರೈ ಹನುಮಂತನ ಭಕ್ತ, ಬಂಟ ಯುವಕ, ಹಿಂದೂ ಸಂಸ್ಕೃತಿಯ ಬಗ್ಗೆ ಮತ್ತು ಜಾತ್ಯತೀತ ತತ್ವದಲ್ಲಿ ಅಪಾರ ನಂಬಿಕೆಯುಳ್ಳವರು. ಅವರು ಗೆದ್ದಲ್ಲಿ ನಳಿನ್ ರ ಹಾಗೆ ಜಿಲ್ಲೆಗೆ ಬೆಂಕಿ ಹಚ್ಚುವ ಕೆಲಸ ಮಾಡುವುದಿಲ್ಲ. ಜಿಲ್ಲೆಯ ಸಮಗ್ರ ಅಭಿವೃದ್ದಿ ಮಾಡಿ ತೋರಿಸಲಿದ್ದಾರೆ ಎಂದರು.