ಕಂಪೆನಿ ರಜೆ ನಿರಾಕರಿಸಿದ್ದಕ್ಕೆ ವಿದೇಶದ ಕೆಲಸವನ್ನೇ ಬಿಟ್ಟು ಮತ ಚಲಾಯಿಸಲು ಮಂಗಳೂರಿಗೆ ಬಂದ ಸುಧೀಂದ್ರ

•   Mon, Apr 15 2019 08:53:14 AM



• ಮಂಗಳೂರು, ಎ15(SS): ಕಂಪನಿ ರಜೆ ನೀಡಲು ನಿರಾಕರಿಸಿದ್ದಕ್ಕೆ ವಿದೇಶದ ಕೆಲಸಕ್ಕೆ ರಾಜೀನಾಮೆ ನೀಡಿ ಮತ ಚಲಾಯಿಸಲು ಆನಿವಾಸಿ ಭಾರತೀಯರೊಬ್ಬರು ಆಸ್ಟ್ರೇಲಿಯಾದಿಂದ ಮಂಗಳೂರಿಗೆ ಮರಳಿ ಬಂದಿದ್ದಾರೆ.

  

  41 ವರ್ಷದ ಸುಧೀಂದ್ರ ಹೆಬ್ಬಾರ್ ತಮ್ಮ ಮತ ವ್ಯರ್ಥವಾಗಬಾರೆಂದು ಕೆಲಸಕ್ಕೆ ರಾಜೀನಾಮೆ ನೀಡಿ ಅಮೂಲ್ಯ ಮತ ಚಲಾಯಿಸಲು ಮಂಗಳೂರಿಗೆ ಮರಳಿ ಬಂದವರು.

  ಸುಧೀಂದ್ರ ಹೆಬ್ಬಾರ್  ಸಿಡ್ನಿ ವಿಮಾನ ನಿಲ್ದಾಣದಲ್ಲಿ ಸ್ಕ್ರೀನಿಂಗ್ ಅಧಿಕಾರಿಯಾಗಿ ಸೇವೆ ಸಲ್ಲಿಸುತ್ತಿದ್ದವರು. ಈ ಬಾರಿಯ ಲೋಕ ಸಭಾ ಚುನಾವಣೆಯಲ್ಲಿ ಮತ ಚಲಾಯಿಸಲು ಸುಧೀಂದ್ರ ಹೆಬ್ಬಾರ್  ರಜೆಗೆ ಅರ್ಜಿ ಸಲ್ಲಿಸಿದ್ದರು. ಈ ನಿಟ್ಟಿನಲ್ಲಿ ಕಂಪನಿ ಏಪ್ರಿಲ್ 5 ರಿಂದ ಏಪ್ರಿಲ್ 12ರವರೆಗೆ ಸುಧೀಂದ್ರ ಹೆಬ್ಬಾರ್ ಅವರಿಗೆ ರಜೆ ನೀಡಿತ್ತು. ಆದರೆ ಈಸ್ಟರ್ ಮತ್ತು ರಮ್ಜಾನ್ ಹಬ್ಬದ ಹಿನ್ನೆಲೆಯಲ್ಲಿ ರಜೆಯನ್ನು ವಿಸ್ತರಿಸಲು ಕಂಪೆನಿ ನಿರಾಕರಿಸಿತು.

  ಹೀಗಾಗಿ ಸುಧೀಂದ್ರ ಕಂಪನಿ ರಜೆ ನೀಡಲು ನಿರಾಕರಿಸಿದ್ದಕ್ಕೆ, ಕೆಲಸಕ್ಕೆ ರಾಜೀನಾಮೆ ನೀಡಿದ್ದಾರೆ. ತಮ್ಮ ಮತ ವ್ಯರ್ಥವಾಗಬಾರೆಂದು ಕೆಲಸಕ್ಕೆ ರಾಜೀನಾಮೆ ಕೊಟ್ಟು ತವರಿಗೆ ಮರಳಿ ಬಂದಿದ್ದಾರೆ.