ಮಂಗಳೂರು: ಉಳ್ಳಾಲದಲ್ಲಿ ಬಿಜೆಪಿಗರ ಮೇಲೆ ನಡೆದ ದಾಳಿ ಹಿಂದೆ ಸಚಿವ ಖಾದರ್ ಕೈವಾಡ: ಸುಲೋಚನ

•   Sun, Apr 14 2019 06:18:08 PM



• ಮಂಗಳೂರು, ಏ 14(SM): ದ.ಕ. ಜಿಲ್ಲೆಯಲ್ಲಿ ಮೋದಿ ಅಲೆ ನೋಡಿ ಕಾಂಗ್ರೆಸ್ ಗೆ ಭಯ ಶುರುವಾಗಿದೆ ಎಂದು ಬಿಜೆಪಿ ವಕ್ತಾರೆ ಸುಲೋಚನ ಕಾಂಗ್ರೆಸ್ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ. ಮಂಗಳೂರಿನಲ್ಲಿ ನಡೆದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಬಿಜೆಪಿ ಸಮಾವೇಶದಿಂದ ಕಾರ್ಯಕರ್ತರು ವಾಪಾಸಾಗುವ ವೇಳೆ ಉಳ್ಳಾಲದ ಮದನಿ ನಗರದಲ್ಲಿ ಕಲ್ಲುತೂರಟ ನಡೆದಿದೆ. ವಿರೋಧಿಗಳು ಹತಾಶಾ ಭವನೆಯಿಂದ ಈ ಕೃತ್ಯ ನಡೆಸಿದ್ದಾರೆ ಎಂದರು.

  

  ಇನ್ನು ಉಳ್ಳಾಲ ಉಸ್ತುವಾರಿ ಸಚಿವರ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ. ಉಸ್ತುವಾರಿ ಸಚಿವರು ತಮ್ಮ ಕ್ಷೇತ್ರದಲ್ಲಿ ನಡೆದಿದ್ದ ಘಟನೆಯನ್ನು ಖಂಡಿಸಬೇಕಿತ್ತು. ಆದರೆ, ಸಚಿವರು ಮೌನವಾಗಿದ್ದಾರೆ. ಘಟನೆಯ ಬಗ್ಗೆ ಅವರು ಏನನ್ನು ಮಾತನಾಡಿಲ್ಲ. ಈ ಕಲ್ಲು ತೂರಾಟದಲ್ಲಿ ಸಚಿವ ಖಾದರ್ ಕುಮ್ಮಕ್ಕಿದೆ ಎಂದು ಸಚಿವ ಖಾದರ್ ವಿರುದ್ಧ ಅವರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.