ಮಂಗಳೂರು: ಧರ್ಮಸ್ಥಳ ಪ್ರಸಾದದೊಂದಿಗೆ, ಕೋಟಿ ಚೆನ್ನಯ 'ಹೀರಾಬೆನ್ ಕಲಾಕೃತಿ' ಮೋದಿಗೆ ಸ್ಮರಣಿಕೆ

•   Sat, Apr 13 2019 06:41:04 PM



• ಮಂಗಳೂರು, ಏ 13(MSP): ಲೋಕಸಭೆ ಚುನಾವಣಾ ಪ್ರಯುಕ್ತ ನಗರದ ಕೇಂದ್ರ ಮೈದಾನದಲ್ಲಿ ನಡೆದ ಬಿಜೆಪಿ ಪ್ರಚಾರ ಸಭೆಯಲ್ಲಿ ಶನಿವಾರ ಭಾಗವಹಿಸಿದ ಪ್ರಧಾನಿ ನರೇಂದ್ರ ಮೋದಿ, ಅವರಿಗೆ ದ.ಕ. ಜಿಲ್ಲಾ ಬಿಜೆಪಿ ವತಿಯಿಂದ ಪೇಟೆ , ಶಾಲು ಹೊದೆಸಿ ಸ್ಮರಣಿಕೆ ನೀಡಿ ಸನ್ಮಾನ ಮಾಡಲಾಯಿತು.

  

  

  

  

  

  ಈ ಸಂದರ್ಭ ತುಳುನಾಡಿನ ಐತಿಹ್ಯವನ್ನು ಸಾರುವ ವಿಶೇಷ ಸ್ಮರಣಿಕೆ ತುಳುನಾಡಿನ ಪವಾಡ ಪುರುಷರಾದ ಕೋಟಿ ಚೆನ್ನಯ ಥೀಮ್ ಪಾರ್ಕ್ ನ ಡಿಜಿಟಲ್ ಪೋಟೋ ಮಾದರಿ, ಹಾಗೂ ಕಲಾವಿದ ಜೀವಾನಾಚಾರ್ಯ ಅವರ ಮೋದಿ ಶೇರ್ ಹೇ ಪೋಟೋ ಪ್ರೇಮ್ ಹಾಗೂ ಮಂಗಳೂರಿನ ಕಲಾವಿದ ಚಿತ್ರಮಿತ್ರ ರಚಿಸಿರುವ ಪ್ರಧಾನಿ ಮೋದಿ ಅವರ ಮಾತೃಶ್ರೀ ’ಹೀರಾಬೆನ್ ಮೋದಿ ’ ಅವರ ಚಿತ್ರಕಲೆಯನ್ನು ಸ್ಮರಣಿಕೆ ರೂಪದಲ್ಲಿ ನೀಡಲಾಯಿತು.

  ಇದೇ ವೇಳೆ ಶಾಸಕ ಹರೀಶ್ ಪೂಂಜ ಧರ್ಮಸ್ಥಳ ಶ್ರೀ ಮಂಜುನಾಥ ದೇವಾಲಯದ ರಂಗಪೂಜೆ ಪ್ರಸಾದವನ್ನು ನೀಡಿದರು.