ಮಂಗಳೂರು: ಮೋದಿಗಾಗಿ ರೆಡಿಯಾಗಿದೆ, ಕೋಟಿ ಚೆನ್ನಯ ಸ್ಮರಣಿಕೆ - ಕರಾವಳಿಯ ಬಿಸ್ಕಿಟ್ ರೊಟ್ಟಿ ಸವಿರುಚಿ

•   Sat, Apr 13 2019 11:21:31 AM



• ಮಂಗಳೂರು, ಏ 13(MSP): ಲೋಕಸಭೆ ಚುನಾವಣಾ ಪ್ರಯುಕ್ತ ನಗರದ ಕೇಂದ್ರ ಮೈದಾನದಲ್ಲಿ ನಡೆಯಲಿರುವ ಬಿಜೆಪಿ ಪ್ರಚಾರ ಸಭೆಯಲ್ಲಿ ಭಾಗವಹಿಸಲು ಏ.13 ರ ಶನಿವಾರ ಆಗಮಿಸಲಿರುವ ಪ್ರಧಾನಿ ನರೇಂದ್ರ ಮೋದಿ, ಅವರಿಗೆ ದ.ಕ. ಜಿಲ್ಲಾ ಬಿಜೆಪಿ ವತಿಯಿಂದ ಸನ್ಮಾನ ನಡೆಯಲಿದ್ದು ತುಳುನಾಡಿನ ಐತಿಹ್ಯವನ್ನು ಸಾರುವ ವಿಶೇಷ ಸ್ಮರಣಿಕೆ ನೀಡಲಾಗುತ್ತಿದೆ.ಇದಕ್ಕಾಗಿ ತುಳುನಾಡಿನ ಪವಾಡ ಪುರುಷರಾದ ಕೋಟಿ ಚೆನ್ನಯ ಥೀಮ್ ಪಾರ್ಕ್ ನ ಡಿಜಿಟಲ್ ಪೋಟೋ ಮಾದರಿಯನ್ನು ರೆಡಿಯಾಗಿದೆ.

  

  ಪ್ರಧಾನಿಗೆ ಬಿಸ್ಕಿಟ್ ರೊಟ್ಟಿ, ಅಂಬಡೆ: ಕರಾವಳಿಯ ಬಿಸ್ಕಿಟ್ ರೊಟ್ಟಿ, ರವಾ ವಡೆ, ಅಂಬಡೆ ಮತ್ತು ಎರಡು ಬಗೆಯ ಚಟ್ನಿಯನ್ನು ಪ್ರಧಾನಿ ಮೋದಿ ಸವಿಯಲಿದ್ದಾರೆ. ಈ ಉಪಹಾರವನ್ನು ಸಾಯಂಕಾಲದ ಉಪಹಾರ ವೇದಿಕೆ ಬಳಿ ರೆಡಿಯಾಗಲಿದೆ. ನಗರದ ಓಶಿಯನ್ ಪರ್ಲ್ ಹೋಟೆಲ್‌ನ ಮುಖ್ಯ ಬಾಣಿಸಿಗ ದೇವಬ್ರತ್ ಮಂಡಲ್ ಅದನ್ನು ಸಿದ್ಧಪಡಿಸಲಿದ್ದಾರೆ. ಜತೆಗೆ ಡ್ರೈ ಫ್ರುಟ್ಸ್, ಕುಕ್ಕೀಸ್, ಚಾ ಅಥವಾ ಕಾಫಿ ಕೂಡ ನೀಡಲಾಗುತ್ತದೆ. ವಿಮಾನ ನಿಲ್ದಾಣದಲ್ಲಿ ಉಪಹಾರ ಸೇವಿಸುವುದಾದರೆ, ಅಲ್ಲಿಯೂ ಕೂಡಾ ಉಪಹಾರ ತಯಾರಿಸಲಾಗುತ್ತಿದೆ.