ಉಡುಪಿ: ವಿದೇಶದಿಂದ ಬಂದು ಅಮ್ಮನಿಗೆ ಸರ್ಪ್ರೈಸ್ ಕೊಟ್ಟ ಮಗ - ಭಾವನಾತ್ಮಕ ವಿಡಿಯೋ ವೈರಲ್

•   Thu, Sep 21 2023 03:43:18 PM



• ಉಡುಪಿ, ಸೆ 21 (DaijiworldNews/HR): ವಿದೇಶದಲ್ಲಿ ಕೆಲಸದಲ್ಲಿದ್ದ ಮಗ ಒಮ್ಮೆಲ್ಲೇ ತಾಯಿಯ ಎದುರು ಪ್ರತ್ಯಕ್ಷನಾಗಿ ಸರ್ಪ್ರೈಸ್ ಕೊಟ್ಟಿರುವ ಭಾವನಾತ್ಮಕ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ವೈರಲ್ ಆಗಿದೆ.

  ದುಬೈನಿಂದ ಕುಂದಾಪುರದ ರೋಹಿತ್ ಎಂಬಾತ ಮೂರು ವರ್ಷಗಳ ಬಳಿಕ ಊರಿಗೆ ಬಂದು ಅಮ್ಮನಿಗೆ ಸರ್ಪ್ರೈಸ್ ನೀಡಿದ್ದಾನೆ.

  ಇನ್ನು ತಾಯಿ ಮಾರ್ಕೆಟ್ ನಲ್ಲಿ ಮೀನು ಮಾರುತ್ತಾ ಜೀವನ ಸಾಗಿಸುತ್ತಿದ್ದು, ದುಬೈನಿಂದ ನೇರವಾಗಿ ಬಂದ ಮಗ ರೋಹಿತ್, ಮುಖಕ್ಕೆ ಕರವಸ್ತ್ರಕಟ್ಟಿಕೊಂಡು ಅಮ್ಮನ ಬಳಿ ಗ್ರಾಹಕನಂತೆ ಫಿಶ್ ಖರೀದಿಸಲು ಮುಂದಾಗಿದ್ದಾನೆ. ಗ್ರಾಹಕನಂತೆ ಮಾತನಾಡುತ್ತಲೇ ಮುಖದಿಂದ ಕರವಸ್ತ್ರ ತೆಗೆದು ಅಮ್ಮನಿಗೆ ಅಚ್ಚರಿ ಮೂಡಿಸಿದ್ದಾನೆ.

  ದುಬೈನಲ್ಲಿದ್ದ ಮಗ ಕಣ್ಮುಂದೆ ಪ್ರತ್ಯಕ್ಷವಾಗಿರುವುದನ್ನು ಕಂಡು ಅಮ್ಮನ ಕಣ್ಣಂಚಲ್ಲಿ ನೀರು ತುಂಬಿದ್ದು ಹೃದಯ ಸ್ಪರ್ಶಿ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.