ಕಾರ್ಕಳ: ಹಸುವಿಗೆ ಡಿಕ್ಕಿ ಹೊಡೆದ ಕಾರು

•   Wed, Sep 20 2023 05:36:41 PM



• ಕಾರ್ಕಳ , ಸೆ 20 (DaijiworldNews/AK): ರಸ್ತೆಯ ಬದಿಯಿಂದ ಹೋಗುತ್ತಿದ್ದ ಗಬ್ಬದ ಹಸುವೊಂದಕ್ಕೆ ಕಾರೊಂದು ಡಿಕ್ಕಿ ಹೊಡೆದ ಘಟನೆ ಮಂಗಳವಾರ ಸಂಜೆ  ನಗರದ ನ್ಯಾಯಾಲಯ‌ ರಸ್ತೆಯಲ್ಲಿ ನಡೆದಿದೆ.

  ಮಂಗಲಪಾದೆಯ ಪ್ರವೀಣ್ ಎಂಬವರಿಗೆ ಸೇರಿದ ಹಸು ಆಗಿದೆ. ಘಟನೆಯಲ್ಲಿ ಹಸು ತೀವ್ರ ‌ಗಾಯಗೊಂಡಿದ್ದು, ಕೊಂಬು ಮುರಿದು ಹೋಗಿದೆ. ಪ್ರವೀಣ್ ಅವರು ತನ್ನ ಮನೆ ಮಂದಿಯ ಜೊತೆ ಕಾರಿನಲ್ಲಿ ನ್ಯಾಯಾಲಯ ರಸ್ತೆಯಾಗಿ ಪ್ರಯಾಣಿಸುತ್ತಿದ್ದಾಗ, ಮನೆಯ ಹಸು ರಸ್ತೆಯಂಚಿನಲ್ಲಿ ಕಾಣಸಿಕ್ಕಿತ್ತು.

  ಕಾರಿನಲ್ಲಿ ಇದ್ದ ಬಾಲಕನಲ್ಲಿ ಹಸು ಕರೆದೊಯ್ಯುವಂತೆ ಹೇಳಿದ ಪ್ರವೀಣ್ ಕಾರನ್ನು ರಸ್ತೆಯ ಒಂದು ಬದಿಯಲ್ಲಿ ನಿಲ್ಲಿಸಿದ್ದಾರೆ. ಅದೇ ವೇಳೆ ಅತೀ ವೇಗ ಹಾಗೂ ನಿರ್ಲಕ್ಷ್ಯ ರೀತಿಯಲ್ಲಿ ಧಾವಿಸಿ ಬಂದ ಕಾರು ಗಬ್ಬದ ಹಸುವಿಗೆ ಡಿಕ್ಕಿ ಹೊಡೆದು ನಿಲ್ಲಿಸದೇ ಭುವನೇಂದ್ರ ಕಾಲೇಜು ರಸ್ತೆ ಯಾಗಿ ಹಾದು ಹೋಗಿದೆ ಎಂದು ಆರೋಪಿಸಿದ್ದಾರೆ.

   ಪಶುವೈದ್ಯರು ಘಟನಾ ಸ್ಥಳಕ್ಕೆ ಅಗಮಿಸಿ ಗಬ್ಬಹಸುವಿಗೆ ಚಿಕಿತ್ಸೆ ನೀಡಿದ್ದಾರೆ.