ಮಂಗಳೂರು: ತಂಡದಿಂದ ಯುವಕನ ಮೇಲೆ ಮಾರಣಾಂತಿಕ ಹಲ್ಲೆ

•   Thu, Apr 11 2019 01:17:30 PM



• ಮಂಗಳೂರು, ಎ11(SS): ನಗರದ ಹೊರವಲಯದ ಅಡ್ಯಾರ್ ಪದವಿನಲ್ಲಿ ಕ್ಷುಲ್ಲಕ ವಿಚಾರಕ್ಕೆ ಸಂಬಂಧಿಸಿ ತಂಡವೊಂದು ಯುವಕನಿಗೆ ಮಾರಣಾಂತಿಕ ಹಲ್ಲೆ ನಡೆಸಿರುವ ಘಟನೆ ನಡೆದಿದೆ.

  

  ಅಡ್ಯಾರ್ ಪದವಿನ ಮಯ್ಯದ್ದಿ (32) ಹಲ್ಲೆಗೊಳಗಾದ ಯುವಕ.

  ಏ.7ರಂದು ನಡೆದಿದ್ದ ಮದುವೆ ಕಾರ್ಯಕ್ರಮವೊಂದರಲ್ಲಿ ವಿಡಿಯೋ ಮಾಡುವ ವಿಚಾರಕ್ಕೆ ಸಂಬಂಧಿಸಿ ಯುವಕರ ನಡುವೆ ಗಲಾಟೆ ನಡೆದಿತ್ತು. ಈ ಗಲಾಟೆಗೆ ಸಂಭಂದಿಸಿ ಅಶ್ರಫ್, ಅಝ್ಗಾರ್, ಇಸಾಕ್, ಜುಬೈರ್ ಸೇರಿದಂತೆ ಆರು ಮಂದಿಯ ತಂಡ ಮಯ್ಯದ್ದಿ ಎಂಬ ಯುವಕನ ಮೇಲೆ ನಿನ್ನೆ (ಎ.10) ಏಕಾಏಕಿ ಹಲ್ಲೆ ನಡೆಸಿದೆ. ಪರಿಣಾಮ, ಮಯ್ಯದ್ದಿ ಗಂಭೀರವಾಗಿ ಗಾಯಗೊಂಡಿದ್ದು, ಆಸ್ಪತ್ರೆಗೆ ದಾಖಲಿಸಲಾಗಿದೆ. 

  ಮಂಗಳೂರು ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ತನಿಖೆ ನಡೆಯುತ್ತಿದೆ. ಈ ಕುರಿತು ಹೆಚ್ಚಿನ ಮಾಹಿತಿ ನಿರೀಕ್ಷಿಸಲಾಗಿದೆ.