ಬಂಟ್ವಾಳ: ಬಿಜೆಪಿ ತಂತ್ರಗಾರಿಕೆ ಈ ಬಾರಿ ವರ್ಕೌಟ್ ಆಗಲ್ಲ: ಅಶ್ವನಿ ಕುಮಾರ್

•   Thu, Apr 11 2019 12:50:49 AM



• ಬಂಟ್ವಾಳ, ಏ 11(SM): ಮತದಾರರನ್ನು ಭಾವನಾತ್ಮಕವಾಗಿ ಕೆರಳಿಸಿ ಅವರನ್ನು ಮೋಸ ಮಾಡುವ ಬಿಜೆಪಿಯವರ ತಂತ್ರಗಾರಿಕೆ ಈ ಬಾರಿಯ ಚುನಾವಣೆಯಲ್ಲಿ ಫಲ ನೀಡಲ್ಲ. ಮತದಾರರಿಗೆ ಮಂಕುಬೂದಿ ಎರಚುವ ಕಾಲ ಹೋಗಿದೆ. ಜನರು ಈ ಬಾರಿ ಬದಲಾವಣೆ ಬಯಸಿದ್ದ ರಾಹುಲ್ ಗಾಂಧಿ ಈ ದೇಶದ ಪ್ರಧಾನಿಯಾಗಲಿದ್ದಾರೆ ಎಂದು ಕೆಪಿಸಿಸಿ ಕಾರ್ಯದರ್ಶಿ, ಹಿರಿಯ ನೋಟರಿ ನ್ಯಾಯವಾದಿ ಎ.ಅಶ್ವನಿ ಕುಮಾರ್ ರೈ ಅವರು ಹೇಳಿದರು.

  

  ಬಿ.ಸಿ.ರೋಡಿನಲ್ಲಿ ಬುಧವಾರ ಕಾಂಗ್ರೆಸ್ ಅಭ್ಯರ್ಥಿ ಮಿಥುನ್ ರೈ ಪರ ಮತಯಾಚನೆ ರೋಡ್ ಶೋ ನಡೆಸಿ ಮಾತನಾಡಿದ ಅವರು, ಕಳೆದ ಬಾರಿ ಮೋದಿ ಸರಕಾರ ನೀಡಿರುವ ಆಶ್ವಾಸನೆಯನ್ನು ಮರೆತು, ಈ ಬಾರಿ ಕೇವಲ ಓಟ್ ಬ್ಯಾಂಕ್ ರಾಜಕೀಯ ಮಾಡುತ್ತಿದ್ದಾರೆ ಎಂದವರು ಆರೋಪಿಸಿದರು.

  ನಳಿನ್ ಕುಮಾರ್ ಕಟೀಲ್ ಅವರು ಕಳೆದ ೨ ಅವಧಿಯಲ್ಲಿ ಮಾಡಿರುವ ಸಾಧನೆಯನ್ನು ಜನರು ನೋಡಿದ್ದಾರೆ. ಅತಂತ್ರ ಸ್ಥಿತಿಯಲ್ಲಿರುವ ಮಂಗಳೂರು ಫ್ಲೈಓವರ್, ಬಿ.ಸಿ.ರೋಡ್-ಸುರತ್ಕಲ್ ಚತುಷ್ಪಥ ಹೆದ್ದಾರಿ, ಬಿ.ಸಿ.ರೋಡ್ ಫ್ಲೈಓವರ್, ಹಾಸನ-ಬಿ.ಸಿ.ರೋಡ್ ಹೆದ್ದಾರಿ, ತೊಕ್ಕೊಟ್ಟು ನಗರ ಅಸ್ತವ್ಯಸ್ತಕ್ಕೆ ಉತ್ತರವಾದಿತ್ವ ಇಲ್ಲದಂತಾಗಿದೆ ಎಂದು ಟೀಕಿಸಿದರು.