ಈ ಬಾರಿ ನಾವು ರಾಮಮಂದಿರ ನಿರ್ಮಾಣ ಮಾಡಿಯೇ ಮಾಡುತ್ತೇವೆ-ಕೋಟಾ ಶ್ರೀನಿವಾಸ್ ಪೂಜಾರಿ

•   Wed, Apr 10 2019 05:58:12 PM



• ಮಂಗಳೂರು,ಏ10(AZM):ಮಂಗಳೂರಲ್ಲಿ ಬಿಜೆಪಿ 2 ಲಕ್ಷಕ್ಕೂ ಅಧಿಕ ಮತಗಳಿಂದ ಗೆಲ್ಲಲ್ಲಿದ್ದು, ಈ ಬಾರಿ ನಾವು ರಾಮಮಂದಿರ ನಿರ್ಮಾಣ ಮಾಡಿಯೇ ಮಾಡುತ್ತೇವೆ ಎಂದು ಬಿಜೆಪಿ ಮುಖಂಡ ಕೋಟಾ ಶ್ರೀನಿವಾಸ್ ಪೂಜಾರಿ ತಿಳಿಸಿದ್ದಾರೆ.

  

  ಈ ಕುರಿತು ಮಂಗಳೂರಿನಲ್ಲಿ ಮಾತಾಡಿದ ಅವರು, ಬಿಜೆಪಿಯಿಂದ ಜನರ ವಿಶ್ವಾಸ ಗಳಿಸಿ ರಾಮಮಂದಿರವನ್ನು ನಾವು ನಿರ್ಮಿಸುತ್ತೇವೆ ಎಂದ ಅವರು, ರಾಜ್ಯ ಸರಕಾರದಿಂದ ಅತಂತ್ರ ಪರಿಸ್ಥಿತಿ ನಿರ್ಮಾಣವಾಗಿದೆ ಎಂದರು. ಕೇಂದ್ರ ಸರಕಾರದ ಯೋಜನೆಗಳಿಗೆ ರಾಜ್ಯ ಸರಕಾರ ಅಡ್ಡಗಾಲು ಹಾಕುತ್ತಿದೆ ಎಂದು ತಿಳಿಸಿದರು.

  ಇನ್ನು ಮಾಣಿಪ್ಪಾಡಿ ವರದಿಯ ಕುರಿತು ಮಾತನಾಡಿದ ಅವರು, ಮಾಣಿಪ್ಪಾಡಿ ವರದಿಯನ್ನು ಯಾಕೆ ಜಾರಿಗೆ ತರುತ್ತಿಲ್ಲ? ಮಾಣಿಪ್ಪಾಡಿ ವರದಿ ಬಿಡುಗಡೆಗೆ ತಡೆ ಒಡ್ಡಿದವರು ಯಾರು? ಎಂದು ಪ್ರಶ್ನಿಸಿದ ಅವರು ಕಾಂಗ್ರೆಸ್ ಮುಖಂಡರು ಹಿಡಿತ ಇಲ್ಲದೇ ಮಾತಾಡುತ್ತಿದ್ದಾರೆ ಎಂದು ಹೇಳಿದರು.

  ಮೋದಿ ಸ್ವಚ್ಚ ಆಡಳಿತ ನೀಡಿದ್ದೇ ದೊಡ್ಡ ಸುದ್ದಿಯಾಗಿದ್ದು,ಮೋದಿ ಸಂಪುಟದಲ್ಲಿ ಒಬ್ಬ ಒಬ್ಬನೇ ಕಳಂಕ ಸಚಿವರು ಇರಲಿಲ್ಲ ಎಂದು ಇದೇ ಸಂದರ್ಭದಲ್ಲಿ ಅವರು ತಿಳಿಸಿದರು.