ಬಂಟ್ವಾಳ: ಎಂಡಿಎಂಎ ಮಾದಕ ವಸ್ತು ಸೇವಿಸಿ ಕಾರಿನಲ್ಲಿ ಸಾಗಾಟ - ಓರ್ವ ಅರೆಸ್ಟ್

•   Sat, Aug 12 2023 08:07:28 PM



• ಬಂಟ್ವಾಳ, ಆ 12 (DaijiworldNews/HR): ಎಂಡಿಎಂಎ ಎಂಬ ನಿದ್ರಾಜನಕ ಪದಾರ್ಥ ಸೇವನೆ ಮಾಡಿದ ವ್ಯಕ್ತಿಯೋರ್ವ ಕಾರಿನಲ್ಲಿ ಮಾರಾಟ ಮಾಡಲು ಹೋಗುತ್ತಿದ್ದ ವೇಳೆ ಬಂಟ್ವಾಳ ನಗರ ಠಾಣಾ ಎಸ್.ಐ.ರಾಮಕೃಷ್ಣ ನೇತ್ರತ್ವದ ಪೊಲೀಸ್ ತಂಡ ಆರೋಪಿಯನ್ನು ಬಂಧಿಸಿದೆ.

  ಬೋಳಂತೂರು ಗ್ರಾಮದ ಕೋಡಿಕಂಡ ನಿವಾಸಿ ಮೊಹಮ್ಮದ್ ‌ಆಸೀರ್ ಬಂಧಿತ ಆರೋಪಿ.

  ಬಂಧಿತನಿಂದ 4 ಗ್ರಾಂ ಎಂಡಿಎಂಎ ನಿದ್ರಾಜನಕ ಸೊತ್ತು ಹಾಗೂ ಅಂದಾಜು ಒಂದುವರೆ ಲಕ್ಷಮೌಲ್ಯದ ಅಲ್ಟೋ ಕಾರನ್ನು ಪೊಲೀಸರು ವಶಕ್ಕೆ ಪಡೆದುಕೊಂಡಿದ್ದಾರೆ ಎಂದು ಹೇಳಲಾಗಿದೆ.

  ಸಂಶಯದ ಮೇಲೆ ಕಾರೊಂದನ್ನು ನಿಲ್ಲಿಸಿ, ತಪಾಸಣೆ ನಡೆಸಿದಾಗ ಈತ ಅಮಲು ಪದಾರ್ಥ ಸೇವನೆ ಮಾಡಿದ ಬಗ್ಗೆ ಅನುಮಾನ ಮೂಡಿದ ಪೊಲೀಸರ ತಂಡ ಹೆಚ್ಚಿನ ತನಿಖೆ ಮಾಡಿದೆ.

  ತನಿಖೆಯ ವೇಳೆ ಈತ ಲಾರಿ ಚಾಲಕ ಎಂದು ಗೊತ್ತಾಗಿದ್ದು,ಬೆಂಗಳೂರಿನ ವ್ಯಕ್ತಿಯೋರ್ವನ ಮೂಲಕ ಎಂಡಿಎಂಎ ಪಡೆದುಕೊಂಡು, ಮಂಗಳೂರು ಸುತ್ತ ಮುತ್ತ ಮಾರಾಟ ಮಾಡಲು ಅಲ್ಟೋ ಕಾರಿನಲ್ಲಿ ತೆರಳುತ್ತಿದ್ದ. ಆದರೆ ಈತನ ನಡವಳಿಕೆ ಮೇಲೆ ಸಂಶಯಗೊಂಡ ಪೊಲೀಸರು ವಾಹನ ತಡೆದು ವಿಚಾರಿಸಿದ್ದಾರೆ ಈ ವೇಳೆ ಆರೋಪಿ ಪೊಲೀಸರ ಬಲೆಗೆ ಬಿದ್ದಿದ್ದಾನೆ.