ಬೀಡಿನಗುಡ್ಡೆಯಲ್ಲಿ ಆಕಸ್ಮಿಕ ಬೆಂಕಿ-ಕ್ಷಣಕಾಲ ಆತಂಕ

•   Fri, Apr 05 2019 07:32:30 PM



• ಉಡುಪಿ,ಏ05(AZM):ಬೀಡಿನಗುಡ್ಡೆಯ ಬಳಿ ಆಕಸ್ಮಿಕ ಬೆಂಕಿ ಅವಘಡವುಂಟಾಗಿದ್ದು, ಸ್ಥಳೀಯರು ಕ್ಷಣಕಾಲ ಆತಂಕಕ್ಕೆ ಒಳಗಾದ ಘಟನೆ ಇಂದು ಸಂಜೆ ನಡೆದಿದೆ.

  

  ಬೀಡಿನಗುಡ್ಡೆಯ ಹುಲ್ಲು ಬೆಳೆದಿರುವ ಖಾಲಿ ಪ್ರದೇಶಕ್ಕೆ ಆಕಸ್ಮಿಕವಾಗಿ ಬೆಂಕಿ ತಗುಲಿದ್ದು. ಅಗ್ನಿ ಹೊತ್ತಿ ಉರಿದಂತೆ ಇಲ್ಲಿನ ಸ್ಥಳೀಯ ಜನರು ತಕ್ಷಣ ಅಗ್ನಿಶಾಮಕ ದಳಕ್ಕೆ ಮಾಹಿತಿ ನೀಡಿದ್ದಾರೆ. ಘಟನೆ ತಿಳಿದಂತೆ ಸ್ಥಳಕ್ಕಾಗಮಿಸಿದ ಅಗ್ನಿಶಾಮಕ ದಳದ ಸಿಬ್ಬಂಧಿಗಳು ಬೆಂಕಿ ನಂದಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

  ಇಂದು ಒಂದೇ ದಿನದಲ್ಲಿ ಬೀಡಿನಗುಡ್ಡೆ ಅಲೆವೂರು, ಪಡುಬಿದ್ರೆ, ಸಂತೆಕಟ್ಟೆ, ಮೂಡುಬೆಳ್ಳೆ, ಆದಿ ಉಡುಪಿ ಎಂಬಂತೆ 6 ಸ್ಥಳಗಳಲ್ಲಿ ಬೆಂಕಿ ಅವಘಡ ಸಂಭವಿಸಿತ್ತು ಎಂದು ಅಗ್ನಿಶಾಮಕ ದಳದ ಸಿಬ್ಬಂಧಿಗಳು ಮಾಹಿತಿ ನೀಡಿದ್ದಾರೆ.