ಕುಂದಾಪುರ: 'ಮೋದಿ ನೋಡಿ ಶೋಭಾಗೆ ಓಟು ಕೊಟ್ರೆ, ತಂದೆ ನೋಡಿ ಮಗನಿಗೆ ಹೆಣ್ಣು ಕೊಟ್ಟಂತೆ ' - ಪ್ರಮೋದ್ ಮಧ್ವರಾಜ್

•   Fri, Apr 05 2019 01:21:28 PM



• ಕುಂದಾಪುರ,ಏ 05 (MSP): ಬಿಜೆಪಿ ಅಭ್ಯರ್ಥಿ ಶೋಭಾ ಕರಂದ್ಲಾಜೆ ಅವರು 5 ವರ್ಷಗಳಲ್ಲಿ ಏನನ್ನು ಸಾಧಿಸದೇ ಇದೀಗ ತನ್ನ ಹುಳುಕು - ವೈಫಲ್ಯಗಳನ್ನು ಮುಚ್ಚಿ ಹಾಕಲು ಬೇರೆ ದಾರಿ ಇಲ್ಲದೆ ಪ್ರಧಾನಿ ನರೇಂದ್ರ ಮೋದಿಯವರ ಹೆಸರು ಹೇಳಿಕೊಂಡು ಮತ ನೀಡುವಂತೆ ಜನತೆಯಲ್ಲಿ ಕೇಳಿಕೊಳ್ಳುತ್ತಾರೆ. ಶೋಭಾ ಅವರ ಪರಿಸ್ಥಿತಿ ಹೇಗಿದೆ ಎಂದರೆ ನರೇಂದ್ರ ಮೋದಿ ಕಡೆ ನೋಡಿ ಬಿಜೆಪಿ ಅಭ್ಯರ್ಥಿ ಶೋಭಾಗೆ ಮತ ನೀಡಿದರೆ ಕೆಟ್ಟ ಚಟಗಳ ಚಾಳಿ ಬೆಳೆಸಿಕೊಂಡಿರುವ ವರನೊಬ್ಬನಿಗೆ ಆತನ ತಂದೆ ಒಳ್ಳೆಯವ ಎನ್ನುವ ಕಾರಣಕ್ಕೆ ಹೆಣ್ಣುಕೊಟ್ಟು ಸಂಸಾರವನ್ನೇ ಬಲಿಕೊಟ್ಟಂತಾಗುತ್ತದೆ ಎಂದು ಉಡುಪಿ ಚಿಕ್ಕಮಗಳೂರು ಕ್ಷೇತ್ರದ ಕಾಂಗ್ರೆಸ್- ಜೆಡಿಎಸ್ ಮೈತ್ರಿ ಅಭ್ಯರ್ಥಿ ಪ್ರಮೋದ್ ಮಧ್ವರಾಜ್ ಕಾರ್ಯಕರ್ತರ ಸಭೆಯಲ್ಲಿ ವ್ಯಂಗ್ಯವಾಡಿದರು.

  

  ಅವರು ಮಂದರ್ತಿಯಲ್ಲಿ ನಡೆದ ಕೋಟ ಬ್ಲಾಕ್ ಕಾಂಗ್ರೆಸ್ ವ್ಯಾಪ್ತಿಯ ಮಂದಾರ್ತಿಯಲ್ಲಿ ನಡೆದ ಕೋಟ ಬ್ಲಾಕ್ ಕಾಂಗ್ರೆಸ್ ವ್ಯಾಪ್ತಿಯ ಮಂದಾರ್ತಿ ಜಿ.ಪಂ ಕ್ಷೇತ್ರ ವ್ಯಾಪ್ತಿಯ ಕಾರ್ಯಕರ್ತರ ಸಭೆಯಲ್ಲಿ ಮಾತನಾಡಿದರು. ಶೋಭಾ ಕರಂದ್ಲಾಜೆ ಮೇಲೆ ಬಿಜೆಪಿ ಪಕ್ಷದ ಕಾರ್ಯಕರ್ತರಿಗೆ ಸಮಾಧಾನವಿಲ್ಲ. ಇದಕ್ಕಾಗಿಯೇ ಬಿಜೆಪಿ ಪಕ್ಷದ ಒಳಗೆ ಚುನಾವಣೆ ಪ್ರಕ್ರಿಯೆ ಪ್ರಾರಂಭವಾಗುವ ಮುನ್ನ ಗೋ ಬ್ಯಾಕ್‌ ಶೋಭಾ ಎನ್ನುವ ಅಭಿಯಾನವನ್ನು ಆರಂಭಿಸಿದ್ದರು. ಆದರೆ ಅವರಿಗೆ ಈಗ ವಿಧಿಯಿಲ್ಲದೆ ಮುಲಾಜಿನಿಂದಲೇ ಪಕ್ಷದ ಪರ ಕೆಲಸ ಮಾಡುವಂತಾಗಿದೆ ಎಂದರು.

  ನಾವು ಯಾವುದೇ ಭಾವನಾತ್ಮಕ ವಿಚಾರಗಳನ್ನು ಇಟ್ಟುಕೊಂಡು ಮತ ಯಾಚಿಸುವುದಿಲ್ಲ. ಅಭಿವೃದ್ಧಿಯೇ ನಮ್ಮ ಮುಖ್ಯ ಅಜೆಂಡ ಆಗಿದೆ. ಹೀಗಾಗಿ ಚುನಾವಣೆಯಲ್ಲಿ ಎಲ್ಲರೂ ಸೇರಿ ಮೈತಿ ಅಬ್ಯರ್ಥಿಯಾದ ನನ್ನನ್ನು ಗೆಲ್ಲಿಸಿ ಎಂದು ಕೇಳಿಕೊಂಡರು.