ಇಸ್ರೇಲ್, ಆಸ್ಟ್ರೇಲಿಯಾದ ಸಿಡ್ನಿಯಲ್ಲಿ ಕಮಾಲ್ ಮಾಡಲಿದೆ ಬೋಳಾರ್- ನಂದಳಿಕೆ ಜೋಡಿ

•   Tue, Aug 01 2023 11:00:49 AM



• ಮಂಗಳೂರು, ಜು 31 (DaijiworldNews/HR): ತುಳುನಾಡ ಮಾಣಿಕ್ಯ ಅರವಿಂದ್ ಬೋಳಾರ್ ಮತ್ತು ದೈಜಿವರ್ಲ್ಡ್ ಸಂಸ್ಥಾಪಕ ವಾಲ್ಟರ್ ನಂದಳಿಕೆ ಜೋಡಿಯ ಜನಪ್ರಿಯ ತುಳು ಹಾಸ್ಯ ಕಾರ್ಯಕ್ರಮ 'ಪ್ರೈವೇಟ್ ಚಾಲೆಂಜ್' ಈ ಬಾರಿ ಇಸ್ರೇಲ್ ಮತ್ತು ಆಸ್ಟ್ರೇಲಿಯಾದ ಸಿಡ್ನಿಯ ವೇದಿಕೆಯಲ್ಲಿ ಲೈವ್ ಶೋ ನಡೆಯಲಿದೆ.

  ಆಗಸ್ಟ್ 5 ರಂದು 1000 ಕ್ಕೂ ಅಧಿಕ ಕೊಂಕಣಿ ಮತ್ತು ತುಳು ಮಾತನಾಡುವ ಪ್ರೇಕ್ಷಕರು ಟೆಲ್ ಅವೀವ್ ನಲ್ಲಿ ನಡೆಯಲಿರುವ ಮೆಗಾ ಕೊಂಕಣಿ ಸಂಗೀತ ಕಾರ್ಯಕ್ರಮವನ್ನು ವೀಕ್ಷಿಸುವ ನಿರೀಕ್ಷೆಯಿದ್ದು, ಈ ಕಾರ್ಯಕ್ರಮದ ಅಂಗವಾಗಿ ಬೋಳಾರ್ - ನಂದಳಿಕೆ ಜೋಡಿ ಒಂದು ಕೊಂಕಣಿ ಮತ್ತು ತುಳು ಹಾಸ್ಯ ಕಾರ್ಯಕ್ರಮವನ್ನು ವೇದಿಕೆಯಲ್ಲಿ ಪ್ರದರ್ಶಿಸಲಿದ್ದು, ಈ ಕಾರ್ಯಕ್ರಮವನ್ನು ಫೆರ್ನಾಂಡಿಸ್ ಗ್ರೂಪ್ ಮತ್ತು ತಂಡ ಆಯೋಜಿಸಿದೆ.

  ಇನ್ನು ಆಗಸ್ಟ್ 13 ರಂದು ತುಳು ಕೂಟ ಸಿಡ್ನಿ ವತಿಯಿಂದ 'ಕರಾವಳಿ ಉತ್ಸವ' ಕಾರ್ಯಕ್ರಮ ಆಯೋಜನೆ ಮಾಡಲಾಗಿದ್ದು, ಈ ವಿಶೇಷ ಕಾರ್ಯಕ್ರಮದಲ್ಲಿ ಬೋಳಾರ್ - ನಂದಳಿಕೆ ಜೋಡಿ ಭಾಗವಹಿಸಲಿದ್ದು, 400 ಕ್ಕೂ ಹೆಚ್ಚು ತುಳು ಭಾಷಿಗರು ಈ ಸಮಾರಂಭದಲ್ಲಿ ಪಾಲ್ಗೊಳ್ಳಲಿದ್ದಾರೆ.

  ಅರವಿಂದ್ ಬೋಳಾರ್ ಮತ್ತು ವಾಲ್ಟರ್ ನಂದಳಿಕೆ ಜೋಡಿ ಇಸ್ರೇಲ್ ಮತ್ತು ಆಸ್ಟ್ರೇಲಿಯಾಕ್ಕೆ ಪ್ರಯಾಣಿಸುತ್ತಿರುವುದು ಇದೇ ಮೊದಲು. ಈ ಹಿಂದೆ ತುಳು ಹಾಸ್ಯ ಕಾರ್ಯಕ್ರಮ ಪ್ರದರ್ಶನಕ್ಕಾಗಿ ನಂದಳಿಕೆ ಮತ್ತು ಬೋಳಾರ್ ಜೋಡಿ ಬ್ಯಾಂಕಾಕ್, ಥೈಲ್ಯಾಂಡ್ ಮತ್ತು ಬಹ್ರೇನ್ ಗೆ ಪ್ರಯಾಣಿಸಿದ್ದರು.