ಪಡುಬಿದ್ರಿ: ಮನೆಯೊಳಗೆ ನುಗ್ಗಿದ ನೀರು - ಅಸಹಾಯಕತೆಯಲ್ಲಿ ಬಡ ಕುಟುಂಬ

•   Thu, Jul 06 2023 01:00:13 PM



• ಪಡುಬಿದ್ರಿ, ಜು 06 (DaijiworldNews/HR): ಮಳೆರಾಯನ ಆರ್ಭಟ ಮುಂದುವರೆದ ಪರಿಣಾಮ ಹೆಜಮಾಡಿ ಶ್ರೀ ಬೈದರ್ಕಳ ಗರಡಿ ಸಮೀಪದ ಮೊನಪ್ಪ ಪೂಜಾರಿ ಮನೆಗೆ ನೀರು ನುಗ್ಗಿದ್ದು, ಬಡ ಕುಟುಂಬ ಸಹಾಯಕ್ಕಾಗಿ ಕಾದು ಕುಳಿತಿದೆ.

  ಮನೆಯ ಬಾವಿ ನೀರು ತುಂಬಿ ಮುಳುಗುವ ಆತಂಕದಲ್ಲಿ ಬಡ ಕುಟುಂಬವಿದ್ದು, ಮನೆಬಿಟ್ಟು ಹೊರಹೋಗಲು ಮನೆಯಲ್ಲಿ ಅಂಗವಿಕಲ ಗಂಡಸು ಇರುವುದರಿಂದ ಸಹಾಯಕ್ಕಾಗಿ ಕಾದು ಕುಳಿತಿದ್ದಾರೆ.

  ಇನ್ನು ಮನೆಯ ಆವರಣ ಸಂಪೂರ್ಣ ಜಲಾವೃತಗೊಂಡಿದ್ದು, ಮನೆಯೊಳಗೂ ನೀರು ತುಂಬಿದೆ. ಜೊತೆಗೆ ಮನೆ ಯಜಮಾನ ನಡೆದಾಡಲೂ ಸಾಧ್ಯವಿಲ್ಲದ ಪರಿಸ್ಥಿತಿಯಲ್ಲಿದ್ದು, ಈ ಬಡ ಕುಟುಂಬ ನೆರೆ ನೀರಿನಿಂದ ಕಂಗೆಟ್ಟು ಸಹಾಯಕ್ಕಾಗಿ ಕಾದು ಕುಳಿತಿದೆ.