ಉಳ್ಳಾಲ: ಮನೆ ಗೋಡೆ ಕುಸಿತ- ಮನೆಮಂದಿ ಅಪಾಯದಿಂದ ಪಾರು

•   Wed, Jul 05 2023 01:37:37 PM



• ಉಳ್ಳಾಲ, ಜು 5 (DaijiworldNews/Ak):ಮನೆಯ ಗೋಡೆ ಕುಸಿದು ಮನೆಮಂದಿ ಪವಾಡಸದೃಶವಾಗಿ ಪಾರಾಗಿರುವ ಘಟನೆ ಉಳ್ಳಾಲದ ಕೋಟೆಪುರದಲ್ಲಿ ಸಂಭವಿಸಿದೆ.

   ಈ ಘಟನೆಯಿಂದ ರುಕಿಯ- ಉಮರಬ್ಬ ದಂಪತಿಗೆ ಸೇರಿದ ಮನೆಯ ಗೋಡೆ ಭಾಗಶ: ಕುಸಿದಿದೆ. ಕಳೆದ ಎರಡು ದಿನಗಳಿಂದ ಸುರಿಯುತ್ತಿರುವ ಧಾರಾಕಾರ ಮಳೆಯಿಂದ ಮಂಗಳವಾರ ಮನೆಮಂದಿ ಒಳಗಿರುವಾಗಲೇ ಗೋಡೆ ಕುಸಿದಿದೆ.

  ತಕ್ಷಣ ಮನೆ ಒಳಗೆ ಇದ್ದ ಮನೆಮಂದಿ ಹೊರ ನಡೆದಿದ್ದಾರೆ.  ಘಟನೆಯಿಂದ ಮನೆಯೊಳಗಿದ್ದವರು ಪವಾಡಸದೃಶವಾಗಿ ಪಾರಾಗಿದ್ದಾರೆ. ಘಟನಾ ಸ್ಥಳಕ್ಕೆ ನಗರಸಭೆ ಅಧಿಕಾರಿಗಳು ಭೇಟಿ ನೀಡಿ ಮಾಹಿತಿ ಸಂಗ್ರಹಿಸಿದ್ದಾರೆ.