ಮಂಗಳೂರು: ಜೂ.11 ರಿಂದ ವೀಕ್ಷಕರನ್ನು ರಂಜಿಸಲು ಸಜ್ಜಾಗಿದೆ 'ಪ್ರೈವೆಟ್ ಚಾಲೆಂಜ್' ಸೀಸನ್ 3

•   Fri, Jun 09 2023 01:58:53 PM



• ಮಂಗಳೂರು, ಜೂ 09 (DaijiworldNews/HR): ತುಳುನಾಡ ಮಾಣಿಕ್ಯ ಅರವಿಂದ್ ಬೋಳಾರ್ ಮತ್ತು ಡೈಜಿವರ್ಲ್ಡ್ ಸಂಸ್ಥಾಪಕ ವಾಲ್ಟರ್ ನಂದಳಿಕೆ ಜೋಡಿಯ ದಾಯ್ಜಿವರ್ಲ್ಡ್ ವಾಹಿನಿಯ ಜನಪ್ರಿಯ ತುಳು ಹಾಸ್ಯ ಟಿವಿ ಶೋ 'ಪ್ರೈವೆಟ್ ಚಾಲೆಂಜ್' ಸೀಸನ್ 3ಯ ಮೊದಲ ಸಂಚಿಕೆ ಜೂನ್ 11 ರಂದು ರಾತ್ರಿ 9 ಗಂಟೆಗೆ ಪ್ರಸಾರವಾಗಲಿದೆ.

  

  ಲಾಕ್‌ಡೌನ್ ಸಮಯದಲ್ಲಿ 'ಪ್ರೈವೆಟ್ ಚಾಲೆಂಜ್' ಅನ್ನು ಮೊದಲು ಪ್ರಾರಂಭಿಸಲಾಗಿದ್ದು, ಬಳಿಕ ಕರಾವಳಿಯ ಪ್ರೇಕ್ಷಕರಲ್ಲಿ ಸಂದೇಶದೊಂದಿಗೆ ಹಾಸ್ಯದ ಹೊಸ ಟ್ರೆಂಡ್ ಹುಟ್ಟುಹಾಕಿದ್ದ ಈ ಕಾರ್ಯಕ್ರಮವನ್ನು ಯೂಟ್ಯೂಬ್, ಫೇಸ್‌ಬುಕ್ ಮತ್ತು ಲೋಕಲ್‌ವುಡ್ ಒಟಿಟಿ ವೇದಿಕೆಯಲ್ಲಿ ವಿಶ್ವದಾದ್ಯಂತ ತುಳುವರು ವೀಕ್ಷಿಸುತ್ತಿದ್ದಾರೆ.

  ಮೊದಲ ಸೀಸನ್ ನಲ್ಲಿ ಸ್ಟುಡಿಯೋ ಸೆಟ್-ಅಪ್ ಆಗಿದ್ದು, ಅದರಲ್ಲಿ ವಾಲ್ಟರ್ ನಂದಳಿಕೆ ಅವರು ಹಾಸ್ಯಮಯ ಪ್ರಶ್ನೆಗಳೊಂದಿಗೆ ಟಿವಿ ನಿರೂಪಕನಾಗಿ ಕಾಣಿಸಿಕೊಂಡಿದ್ದು, ಅರವಿಂದ್ ಬೋಳಾರ್ ಅವರು ವಿಭಿನ್ನ ಪಾತ್ರಗಳಲ್ಲಿ ಕಾಣಿಸಿಕೊಂಡರು.

  ಇನ್ನು ಸೀಸನ್‌ನ 60 ಸಂಚಿಕೆಗಳಲ್ಲಿ 62 ಪಾತ್ರಗಳನ್ನು ನಿರ್ವಹಿಸಿದ್ದ ಅರವಿಂದ್ ಬೋಳಾರ್ ಕೆಲವು ಸಂಚಿಕೆಗಳಲ್ಲಿ ದ್ವಿಪಾತ್ರಗಳನ್ನು ಮಾಡಿದ್ದಾರೆ. ಎರಡನೇ ಸೀಸನ್ ಅನ್ನು ಬೇರೆ ಬೇರೆ ಸ್ಥಳಗಳಲ್ಲಿ ಚಿತ್ರೀಕರಿಸಲಾಗಿದ್ದು,ಅಲ್ಲಿ ವಾಲ್ಟರ್ ನಂದಳಿಕೆ ಮತ್ತು ಅರವಿಂದ್ ಬೋಲಾರ್ ವಿಭಿನ್ನ ಪಾತ್ರಗಳನ್ನು ನಿರ್ವಹಿಸಿ 60 ಸಂಚಿಕೆಗಳನ್ನು ಪೂರ್ಣಗೊಳಿಸಿದ್ದಾರೆ.

  ತುಳು, ಕನ್ನಡ, ಮಲಯಾಳಂ ಮತ್ತು ಕೊಂಕಣಿ ಸಿನಿಮಾಗಳಲ್ಲಿ ಕಾಣಿಸಿಕೊಂಡಿರುವ ಅರವಿಂದ ಬೋಳಾರ್ ಅವರು ಎರಡು ಸೀಸನ್‌ಗಳಲ್ಲಿ 120 ಕ್ಕೂ ಹೆಚ್ಚು ಪಾತ್ರಗಳೊಂದಿಗೆ 'ಪ್ರೈವೆಟ್ ಚಾಲೆಂಜ್'ನಲ್ಲಿ ಮಿಂಚಿದ್ದಾರೆ.ದ್ದಾರೆ.

  ಎಲೆಕ್ಟ್ರಿಕಲ್ ಪಾಯಿಂಟ್ ಪ್ರೈವೆಟ್ ಚಾಲೆಂಜ್ ಕಾರ್ಯಕ್ರಮಕ್ಕೆ ಮುಖ್ಯ ಪ್ರಾಯೋಜಕತ್ವ ವಹಿಸಿದ್ದು, ಕಿರಣ್ ಕೇಪು ಅವರು ಕಾರ್ಯಕ್ರಮದ ಪ್ರಮುಖ ಕ್ಯಾಮರಮ್ಯಾನ್ ಆಗಿದ್ದು, ದಯಾನಂದ್ ಕುಕ್ಕಾಜೆ, ಹರೀಶ್ ಮತ್ತು ಮನೀಶ್ ಕೂಡ ಅವರಿಗೆ ಸಹಕಾರ ನೀಡಿದ್ದಾರೆ. ಶ್ರೀಕಾಂತ್ ಸೋಮಯಾಜಿ ಎಡಿಟಿಂಗ್ ತಂಡದ ಉಸ್ತುವಾರಿ ವಹಿಸಿದ್ದಾರೆ.

  ಕಾರ್ಯಕ್ರಮದ ಕೆಲವು ಸಂಚಿಕೆಗಳನ್ನು ಕರಾವಳಿ ಪ್ರದೇಶದ ಹೊರಗೆ ಚಿತ್ರೀಕರಿಸಲಾಗಿದ್ದು, ಸೀಸನ್ 2 ರ 40 ನೇ ಸಂಚಿಕೆಯನ್ನು ಚಿಕ್ಕಮಗಳೂರಿನ ರೆಸಾರ್ಟ್ ಮತ್ತು ಕಾಫಿ ಎಸ್ಟೇಟ್‌ನಲ್ಲಿ ಚಿತ್ರೀಕರಿಸಲಾಗಿದ್ದು ಜೊತೆಗೆ ಬ್ಯಾಂಕಾಕ್, ಥೈಲ್ಯಾಂಡ್, ದುಬೈ ಮತ್ತು ಯುಎಇಯಲ್ಲಿ ತಲಾ ಒಂದು ಸಂಚಿಕೆಯನ್ನು ಚಿತ್ರೀಕರಿಸಲಾಗಿದೆ.