ಉಡುಪಿ:ಕಾಂಗ್ರೆಸ್ಸಿಗರ ಕಾರುಗಳಲ್ಲಿ ಚೌಕಿದಾರ್ ಚೋರ್ ಹೈ ಘೋಷಣೆಯ ಸ್ಟಿಕ್ಕರ್

•   Sun, Mar 31 2019 11:18:46 AM



• ಉಡುಪಿ,ಮಾ31(AZM):ನಗರದಲ್ಲಿ ಕಾಂಗ್ರೆಸ್ ಕಾರ್ಯಕರ್ತರ ಕಾರಿನ ಮೇಲೆ ಚೌಕಿದಾರ್ ಚೋರ್ ಹೈ ಎಂಬ ಘೋಷಣೆಯ ಸ್ಟಿಕ್ಕರ್ ಅನ್ನು ಹಾಕುವುದರ ಮೂಲಕ ಪ್ರಧಾನಿ ನರೇಂದ್ರ ಮೋದಿ ಅವರು ಆರಂಭಿಸಿರುವ ಮೈ ಭೀ ಚೌಕಿದಾರ್ ಅಭಿಯಾನಕ್ಕೆ ಅಪಹಾಸ್ಯ ಮಾಡುತ್ತಿದ್ದಾರೆ. 

  

  ರಾಜ್ಯಾದ್ಯಂತ ಲೋಕಸಭಾ ಚುನಾವಣೆ ಕಾವೇರುತ್ತಿದೆ.ನಗರದಲ್ಲೂ ಕಾಂಗ್ರೆಸ್ ಕಾರ್ಯಕರ್ತರು ತಮ್ಮ ಕಾರುಗಳಲ್ಲಿ ಚೌಕಿದಾರ್ ಚೋರ್ ಹೇ ಅನ್ನುವ ಘೋಷಣೆಯ ಸ್ಟಿಕರ್ ಗಳನ್ನು ಅಂಟಿಸಿ ಸುದ್ದಿಯಲ್ಲಿದ್ದಾರೆ.

  ಎಐಸಿಸಿ ಅಧ್ಯಕ್ಷ ರಾಹುಲ್ ಗಾಂಧಿ ಅವರು ಸದಾ ದೇಶದ ಪ್ರಧಾನಿಯನ್ನು ದೇಶ್ ಕಾ ಚೌಕಿದಾರ್ ಚೋರ್ ಹೈ ಎಂದು ಹೇಳಿದ್ದರು. ಈ ನಡುವೆ ಉಡುಪಿ ಜಿಲ್ಲಾ ಕಾಂಗ್ರೆಸ್ ಪದಾಧಿಕಾರಿಗಳು ತಮ್ಮ ಕಾರಿನ ಮೇಲೆ ಚೌಕಿದಾರ್ ಚೋರ್ ಹೈ ಎಂಬ ಘೋಷಣೆಯ ಸ್ಟಿಕ್ಕರ್ ಗಳನ್ನು ಅಂಟಿಸಿದ್ದಾರೆ.

  ಕಾಂಗ್ರೆಸ್ ನಾಯಕರು ತಮ್ಮ ಕಾರುಗಳ ಮೇಲೆ ಎಲ್ಲಿಯೂ ಪಕ್ಷದ ಚಿಹ್ನೆ ಅಥವಾ ನಾಯಕರ ಭಾವಚಿತ್ರವನ್ನೂ ಉಪಯೋಗಿಸದೇ ಚೌಕಿದಾರ್ ಚೋರ್ ಹೈ ಎಂಬ ಘೋಷಣೆಯನ್ನು ಮುದ್ರಿಸಿದ್ದಾರೆ.