ಉಡುಪಿ: ಪಾಂಬೂರಿನ ರಂಗಪರಿಚಯದಲ್ಲಿ ಮೇ 17 ರಿಂದ 20ರವರೆಗೆ 'ಬಹುಮುಖಿ' ಸಾಂಸ್ಕೃತಿಕ ಉತ್ಸವ

•   Tue, May 16 2023 05:01:43 PM



• ಉಡುಪಿ, ಮೇ 16 (DaijiworldNews/HR): ಪರಿಚಯ ಪ್ರತಿಷ್ಠಾನ ಪಾಂಬೂರು ಸಂಸ್ಥೆಯು ಮೇ 17 ರಿಂದ 20ರವರೆಗೆ ಪಾಂಬೂರಿನ ರಂಗಪರಿಚಯದಲ್ಲಿ 'ಬಹುಮುಖಿ' ಸಾಂಸ್ಕೃತಿಕ ಉತ್ಸವವನ್ನು ಆಯೋಜಿಸಲು ತಯಾರಾಗಿದೆ.

  

  

  

  

  

  

  

  ಮೇ 17 ರಂದು ನಡೆಯುವ ಕಾರ್ಯಕ್ರಮಕ್ಕೆ ಕವಿ ಮತ್ತು ಕೊಂಕಣಿ ಸಾಹಿತ್ಯ ಅಕಾಡೆಮಿಯ ಸಂಚಾಲಕ ಮೆಲ್ವಿನ್ ರಾಡ್ರಿಗಸ್ ಅವರು ಅತಿಥಿಗಳಾಗಿ ಆಗಮಿಸಲಿದ್ದು, ಖ್ಯಾತ ಸಿತಾರ್ ವಾದಕ ಉಸ್ತಾದ್ ರಫೀಕ್ ಖಾನ್ ಮತ್ತು ತಂಡದವರಿಂದ ಕಾರ್ಯಕ್ರಮ ನಡೆಯಲಿದೆ.

  ಮೇ 18 ರಂದು ಮಂಗಳೂರು ಸೈಂಟ್ ಅಲೋಶಿಯಸ್ ರಂಗ ಅಧ್ಯಯನ ಕೇಂದ್ರದ ವಿದ್ಯಾರ್ಥಿಗಳು ರಂಗಗೀತೆ ಮತ್ತು ಹ್ಯಾಂಗ್ ಆನ್ ನಾಟಕವನ್ನು ಪ್ರದರ್ಶಿಸಲಿದ್ದಾರೆ.

  ಮೇ 19 ಮತ್ತು 20ರಂದು 'ಮಂಸೋರೆ ಸಿನಿ ಹಬ್ಬ' ನಡೆಯಲಿದ್ದು, ಮೇ 20 ರಂದು ರಾಷ್ಟ್ರ ಪ್ರಶಸ್ತಿ ವಿಜೇತ ಚಲನಚಿತ್ರ ಹರಿವು ಪ್ರದರ್ಶನಗೊಳ್ಳಲಿದೆ. ಎಲ್ಲ ಕಾರ್ಯಕ್ರಮಗಳು ಸಂಜೆ 6.30ಕ್ಕೆ ಆರಂಭವಾಗಲಿವೆ.

  ಉಡುಪಿ ಕಥೊಲಿಕ್ ಧರ್ಮಪ್ರಾಂತ್ಯದ ಪ್ರಧಾನ ಗುರು ಮೊನ್ಸಿಂಞೊರ್ ಫರ್ಡಿನಾಂಡ್ ಗೊನ್ಸಾಲ್ವಿಸ್, ಪಾಂಬೂರು ಚರ್ಚಿನ ಗುರು ಫಾ| ಹೆನ್ರಿ ಮಸ್ಕರೇನಸ್, ತೊಟ್ಟಾಮ್ ಚರ್ಚಿನ ಧರ್ಮಗುರು ಫಾ| ಡೆನಿಸ್ ಡೇಸಾ, ದಾಯ್ಜಿವರ್ಲ್ಡ್ ಮೀಡಿಯಾ ಪ್ರೈವೇಟ್ ಲಿಮಿಟೆಡ್‌ನ ಆಡಳಿತ ನಿರ್ದೇಶಕರಾದ ಮಾನ್ಯ ವಾಲ್ಟರ್ ನಂದಳಿಕೆ, ಖ್ಯಾತ ನಾಟಕಕಾರ ಫಾ| ಡೊ| ಆಲ್ವಿನ್ ಸೆರಾವೊ, ಕವಿ ಟೈಟಸ್ ನೊರೋನ್ನಾ, ಖ್ಯಾತ ವಕೀಲರಾದ ಮಾನ್ಯ ದಿನೇಶ್ ಹೆಗ್ಡೆ, ಉಳೆಪಾಡಿ, DYFI ರಾಜ್ಯಾಧ್ಯಕ್ಷ ಹಾಗೂ ಸಾಮಾಜಿಕ ಕಾರ‍್ಯಕರ್ತ ಮಾನ್ಯ ಮುನೀರ್ ಕಾಟಿಪಳ್ಳ, ಖ್ಯಾತ ಪತ್ರಕರ್ತರಾದ ಮಾನ್ಯ ನವೀನ್ ಸೂರಿಂಜೆ, ಮಾನ್ಯ ವಿಠಲ ಮಲೆಕುಡಿಯ, ಖ್ಯಾತ ರಂಗಕರ್ಮಿ ಹಾಗೂ ಚಲನಚಿತ್ರ ನಟ ಮಾನ್ಯ ಮಹಾದೇವ ಹಡಪದ ಹಾಗೂ ಸಿನೆಮಾ ನಿರ್ದೇಶಕ ಮನ್ಸೋರೆ ಹಾಗೂ ಇನ್ನಿತರ ಹಲವಾರು ಗಣ್ಯರು ಕಾರ‍್ಯಕ್ರಮದಲ್ಲಿ ಉಪಸ್ಥಿತಲಿರಲಿದ್ದಾರೆ.