ಮಂಗಳೂರು: ಸಾಮಾಜಿಕ ತಾಣದಲ್ಲಿ ಹವಾ ಎಬ್ಬಿಸುತ್ತಿದೆ 'ಚೌಕಿದಾರ್‌ ಶೇರ್‌ ಹೈ' ಪೋಸ್ಟರ್‌

•   Thu, Mar 28 2019 01:03:15 PM



• ಮಂಗಳೂರು, ಮಾ28(SS): ದೇಶದ ಪ್ರಧಾನಿ ನರೇಂದ್ರ ಮೋದಿ ಅವರ 'ಮೈ ಭಿ ಚೌಕಿದಾರ್‌' ಅಭಿಯಾನ ಎಲ್ಲೆಡೆ ಹವಾ ಎಬ್ಬಿಸುತ್ತಿರುವಾಗಲೇ 'ಚೌಕಿದಾರ್‌ ಶೇರ್‌ ಹೈ' ಎಂಬ ಘರ್ಜನೆ ಸಾಮಾಜಿಕ ತಾಣಗಳಲ್ಲಿ ಕೇಳಿ ಬರುತ್ತಿದೆ.

  

  ಇದೀಗ ಮಂಗಳೂರಿನ ಕಲಾವಿದ ಜೀವನ್‌ ಆಚಾರ್ಯ ರಚಿಸಿರುವ 'ಚೌಕಿದಾರ್‌ ಶೇರ್‌ ಹೈ' ಪೋಸ್ಟರ್‌ ಪ್ರಧಾನಿ ನರೇಂದ್ರ ಮೋದಿ ಅಭಿಮಾನಿಗಳ ಪ್ರೊಫೈಲ್‌ ಸೇರುತ್ತಿದೆ. 23 ವರ್ಷದ ಡಿಜಿಟಲ್‌ ಕಲಾವಿದ ಜೀವನ್‌ ಆಚಾರ್ಯ ಅರ್ಧ ಪಿಎಂ ಮೋದಿ ಮುಖ ಮತ್ತು ಅರ್ಧ ಸಿಂಹದ ಮುಖವನ್ನು ಜತೆಯಾಗಿಸಿಕೊಂಡು ಪೋಸ್ಟರ್‌ ರಚಿಸಿದ್ದಾರೆ.

  ಜೀವನ್‌ ಆಚಾರ್ಯ ರಚಿಸಿರುವ 'ಚೌಕಿದಾರ್‌ ಶೇರ್‌ ಹೈ' ಚಿತ್ರವನ್ನು ಮಾರ್ಚ್‌ 22ರಂದು ಸಾಮಾಜಿಕ ತಾಣದಲ್ಲಿ ಅಪ್‌ಲೋಡ್‌ ಮಾಡಿದ್ದರು. ಇದೀಗ ಈ ಚಿತ್ರ ಭಾರೀ ವೈರಲ್ ಆಗುತ್ತಿದೆ.