ಕಾಸರಗೋಡು: ಕೇರಳದ ರಾಜ್ಯೋತ್ಸವದಂದು ರಾಜ್ಯದ ಕಂದಾಯ ಕಚೇರಿಗಳು ಸಂಪೂರ್ಣ ಸ್ಮಾರ್ಟ್: ಸಚಿವ ಕೆ. ರಾಜನ್

•   Thu, Mar 30 2023 08:09:59 PM



• ಕಾಸರಗೋಡು, ಮಾ 30 (DaijiworldNews/SM): ‘ಎಲ್ಲರಿಗೂ ಭೂಮಿ, ಎಲ್ಲಾ ಭೂಮಿಗೆ ದಾಖಲೆ, ಎಲ್ಲಾ ಸೇವೆಗಳು ಸ್ಮಾರ್ಟ್’ ಎಂಬ ಘೋಷವಾಕ್ಯದೊಂದಿಗೆ ಕೇರಳದ ಕಂದಾಯ ಇಲಾಖೆ ಸಂಪೂರ್ಣ ಸ್ಮಾರ್ಟ್ ಆಗುವ ಗುರಿ ಹೊಂದಲಾಗಿದೆ ಎಂದು ಕಂದಾಯ ಮತ್ತು ವಸತಿ ಇಲಾಖೆ ಸಚಿವ ಕೆ.ರಾಜನ್ ಹೇಳಿದರು.

  ಅವರು ಗುರುವಾರ ಕೂಡ್ಲು ಸ್ಮಾರ್ಟ್ ವಿಲೇಜ್ ಕಚೇರಿ ಉದ್ಘಾಟನೆ ನೆರವೇರಿಸಿ ಅವರು ಮಾತನಾಡಿದರು. ಈ ವರ್ಷದ ನವೆಂಬರ್ 1 ರಂದು ಕೇರಳ ರಾಜ್ಯೋತ್ಸವ ದಂದು ಇಲಾಖೆಯು ಗ್ರಾಮ ಕಚೇರಿಗಳಿಂದ ಹಿಡಿದು ಕಂದಾಯ ಕೇಂದ್ರದವರೆಗಿನ ಎಲ್ಲಾ ಇಲಾಖೆಯ ಕಚೇರಿಗಳನ್ನು ಏಕಕಾಲದಲ್ಲಿ ಡಿಜಿಟಲೀಕರಣಗೊಳಿಸುವ ಗುರಿಯನ್ನು ಅನುಸರಿಸುತ್ತಿದ್ದು, ಇದು ಕಾರ್ಯರೂಪಕ್ಕೆ ಬಂದ ನಂತರ ಕಂದಾಯವು ಮೊದಲ ಸ್ಥಾನದಲ್ಲಿದೆ ಎಂದರು.

  ರಾಜ್ಯದಲ್ಲಿ ಇಲಾಖೆ ಎಲ್ಲಾ ಕಚೇರಿಗಳನ್ನು ಸ್ಮಾರ್ಟ್ ಮಾಡಬೇಕು. ಸರಕಾರದ ಎರಡನೇ ವರ್ಷಾಚರಣೆ ನಿಮಿತ್ತ ರಾಜ್ಯದಲ್ಲಿ ಇನ್ನೂ 136 ಗ್ರಾಮ ಕಚೇರಿಗಳನ್ನು ಉದ್ಘಾಟಿಸಿ ರಾಷ್ಟ್ರಕ್ಕೆ ಸಮರ್ಪಿಸಲಾಗುತ್ತಿದೆ ಎಂದರು. ಉಳಿಯತ್ತಡ್ಕದಲ್ಲಿ ನಿರ್ಮಿಸಲಾದ ಕೂಡ್ಲು ಸ್ಮಾರ್ಟ್ ವಿಲೇಜ್ ಕಚೇರಿ ಕಟ್ಟಡದ ಉದ್ಘಾಟನಾ ಸಮಾರಂಭದ ಅಧ್ಯಕ್ಷತೆಯನ್ನು ಶಾಸಕ ಎನ್.ಎ.ನೆಲ್ಲಿಕುನ್ನು ಅವರು ವಹಿಸಿದ್ದರು. ಮಧೂರು ಪಂಚಾಯ ತ್ ಅಧ್ಯಕ್ಷ ಕೆ.ಗೋಪಾಲಕೃಷ್ಣ, ಎಡಿಎಂ ಎ.ಕೆ.ರಾಮೇಂದ್ರನ್, ಬ್ಲಾಕ್ ಪಂಚಾಯತ್ ಸದಸ್ಯೆ ಜಮೀಲಾ ಅಹಮದ್, ಪಂಚಾಯತ್ ಸದಸ್ಯ ಸಿ.ಎಂ.ಬಶೀರ್ ಪುಳಿಕೂರು, ರಾಜಕೀಯ ಪಕ್ಷದ ಪ್ರತಿನಿಧಿಗಳಾದ ಎ.ರವೀಂದ್ರನ್, ಕೆ.ಸುನೀಲ್ ಕುಮಾರ್, ಪ್ರಮೀಳಾ ಮಜಲ್, ಸಿದ್ದಿಕ್ ಚೇರಂಗೈ ಅನಂತನ್ ನಂಬಿಯಾರ್, ಉಬೈದುಲ್ಲಾ ಕಡವತ್, ರಾಷ್ಟ್ರೀಯ ಅಬ್ದುಲ್ಲಾ ಮತ್ತಿತರರು ಮಾತನಾಡಿದರು. ಈ ಸಂದರ್ಭದಲ್ಲಿ ಜಿಲ್ಲಾಧಿಕಾರಿ ಭಂಡಾರಿ ಸ್ವಾಗತ್ ರಣವೀರಚಂದ್ ಸ್ವಾಗತಿಸಿ, ಅಪರ ಜಿಲ್ಲಾಧಿಕಾರಿ ಜಗಿ ಪಾಲ್ ವಂದಿಸಿದರು.