ಗುರುಪುರ: ಬೈಕಿಗೆ ಹಿಂಬದಿಯಿಂದ ಢಿಕ್ಕಿ ಹೊಡೆದ ಬಸ್ - ಪೊಲೀಸ್ ಪೇದೆ ಸಾವು

•   Tue, Mar 19 2019 11:35:55 AM



• ಗುರುಪುರ, ಮಾ 19 (MSP): ಖಾಸಗಿ ಬಸ್ಸೊಂದು ಬೈಕಿಗೆ ಢಿಕ್ಕಿ ಹೊಡೆದ ಪರಿಣಾಮ ಬೈಕ್ ಸವಾರ ಸ್ಥಳದಲ್ಲೇ ಮೃತಪಟ್ಟ ಘಟನೆ ಮಾ.19 ರ ಮಂಗಳವಾರ ಬೆಳಗ್ಗೆ ಗುರುಪುರದಲ್ಲಿ ನಡೆದಿದೆ.

  

  ಮೃತರನ್ನು ಮೂಡುಬಿದಿರೆಯ ಬೆಳುವಾಯಿ ನಿವಾಸಿ ಚನ್ನಪ್ಪ ಲಮಾಣಿ ಅವರ ಪುತ್ರ ಮಹೇಶ್ ಲಮಾಣಿ (32) ಎಂದು ಗುರುತಿಸಲಾಗಿದೆ. ಇವರು 2008 ಬ್ಯಾಚ್ ನ ಸಶಸ್ತ್ರ ಮೀಸಲು ಪಡೆಯಲ್ಲಿ ಸೇವೆ ಸಲ್ಲಿಸುತ್ತಿದ್ದಾರೆ.

  ಕಾರ್ಕಳ ಕಡೆಯಿಂದ ಮಂಗಳೂರಿನತ್ತ ಬರುತ್ತಿದ್ದ ವಿಶಾಲ್ ಬಸ್, ಅದೇ ರಸ್ತೆಯ ಮೂಲಕ ಬೆಳುವಾಯಿ ಕಡೆಯಿಂದ ಮಂಗಳೂರಿನತ್ತ ಬರುತ್ತಿದ್ದ ಬೈಕ್ ಗೆ ಢಿಕ್ಕಿ ಹೊಡೆದಿದೆ. ಬಸ್ ಅತಿವೇಗದಿಂದ ಸಂಚರಿಸುತ್ತಿದ್ದುದೇ ಘಟನೆಗೆ ಕಾರಣ ಎನ್ನಲಾಗಿದೆ. ಬಸ್ ಮೊದಲು ಪಿಕಪ್ ವಾಹನವೊಂದಕ್ಕೂ ಗುದ್ದಿದ್ದು ಆ ಬಳಿಕ ಬೈಕಿಗೆ ಹಿಂಬದಿಯಿಂದ ಢಿಕ್ಕಿ ಹೊಡೆದಿದೆ. ಅಪಘಾತದ ಪರಿಣಾಮ ಬೈಕ್ ಸವಾರ ಸ್ಥಳದಲ್ಲೇ ಕೊನೆಯುಸಿರೆಳೆದಿದ್ದಾರೆ ಎಂದು ತಿಳಿದುಬಂದಿದೆ. ಮೃತನ ಬಗ್ಗೆ ಮಾಹಿತಿ ಲಭ್ಯವಾಗಿಲ್ಲ.