ಉಡುಪಿ: 'ನಿಖಿಲ್‌ ಎಲ್ಲಿದ್ದೀಯಪ್ಪ...’ ಸಿಎಂ ಆಡಿಯೋ ಫುಲ್ ವೈರಲ್, ಯಕ್ಷಗಾನದಲ್ಲೂ ಬಳಕೆ

•   Sat, Mar 16 2019 08:21:24 PM



• ಉಡುಪಿ, ಮಾ 16(SM): ಸಿಎಂ ಎಚ್‌.ಡಿ. ಕುಮಾರಸ್ವಾಮಿ ಅವರು ಮಂಡ್ಯದ ಜೆಡಿಎಸ್‌ ಅಭ್ಯರ್ಥಿ ನಿಖಿಲ್‌ರನ್ನ 'ನಿಖಿಲ್‌ ಎಲ್ಲಿದ್ದೀಯಪ್ಪ...’ ಎಂದು ಕಾರ್ಯಕ್ರಮವೊಂದರಲ್ಲಿ ಕರೆದಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಬಾರೀ ವೈರಲ್ ಆಗುತ್ತಿದೆ.

  

  ಕಲಾವಿದರೂ ಕೂಡ ಸಿಎಂ ಕುಮಾರಸ್ವಾಮಿ ಅವರ ಆಡಿಯೋದಿಂದ ಇದೀಗ ಪ್ರೇರಣೆ ಪಡೆದುಕೊಂಡಿದ್ದಾರೆ. ತಮ್ಮ ಕಲಾ ಪ್ರದರ್ಶನದಲ್ಲಿ ಅದೇ ರೀತಿಯ ಸಂಭಾಷಣೆಗಳನ್ನು ಬಳಸುತ್ತಿದ್ದು, ಕಲಾ ಪ್ರೇಕ್ಷಕರನ್ನು ನಗೆ ಕಡಲಲ್ಲಿ ತೇಲಿಸುತ್ತಿದೆ.

  ಇದೀಗ ಸಾಮಾಜಿಕ ಮಾಧ್ಯಮಗಳಲ್ಲಿ ಟ್ರೋಲ್‌ ಆಗಿರುವ ತಂದೆ–ಮಗನ ಸಂಭಾಷಣೆ ವೀಡಿಯೋ ಸಾಲಿಗೆ ಕರಾವಳಿಯ ಯಕ್ಷಗಾನ ಮಾದರಿಯ ತುಣುಕೊಂದು ಸೇರ್ಪಡೆಯಾಗಿದೆ.
  ಕಾರ್ಕಳ ಸಮೀಪದ ಪಳ್ಳಿಯಲ್ಲಿ ಶುಕ್ರವಾರ ನಡೆದ ತುಳು ಯಕ್ಷಗಾನ ಪ್ರದರ್ಶನದಲ್ಲಿ ಹಾಸ್ಯ ಕಲಾವಿದರಿಬ್ಬರು ಕುಮಾರಸ್ವಾಮಿ ಹಾಗೂ ನಿಖಿಲ್ ನಡುವಿನ ಸಂಭಾಷಣೆಯನ್ನು ಹಾಸ್ಯಮಯವಾಗಿ ಹೇಳುವ ಮೂಲಕ ಪ್ರೇಕ್ಷಕರನ್ನು ರಂಜಿಸಿದ್ದಾರೆ ಇಲ್ಲಿ ಕಲಾವಿದ, ‘ವಾಮನ ಎಲ್ಲಿದೀಯಪ್ಪ..’ ಎನ್ನುತ್ತಿದ್ದು, ಇದಕ್ಕೆ ವಾಮನ ಪ್ರತಿಕ್ರಿಯೆ ನೀಡುವುದು ಈ ಸಂಭಾಷಣೆ ಪ್ರೇಕ್ಷಕರಿಗೆ ಸಕ್ಕತ್ ಮನೋರಂಜನೆ ನೀಡುತ್ತಿದೆ.