ಕಾಸರಗೋಡು: ನೀರಿನ ಟ್ಯಾಂಕ್ ಸ್ವಚ್ಚಗೊಳಿಸುತ್ತಿದ್ದಾಗ ಜಾರಿ ಬಿದ್ದು ಯುವಕ ಮೃತ್ಯು

•   Tue, Feb 07 2023 06:35:09 PM



• ಕಾಸರಗೋಡು, ಫೆ 07 (DaijiworldNews/HR): ನೀರಿನ ಟ್ಯಾಂಕ್ ಸ್ವಚ್ಚಗೊಳಿಸುತ್ತಿದ್ದಾಗ ಆಕಸ್ಮಿಕವಾಗಿ ಜಾರಿ ಕೆಳಗೆ ಬಿದ್ದು ಯುವಕ ನೋರ್ವ ಮೃತಪಟ್ಟ ದಾರುಣ ಘಟನೆ ಮಂಗಳವಾರ ಸಂಜೆ ಮಂಜೇಶ್ವರದಲ್ಲಿ ನಡೆದಿದೆ.

  ಮಂಜೇಶ್ವರ ಕರೋಡದ ಫವಾಝ್ (21) ಮೃತ ಯುವಕ.

  ಮಂಜೇಶ್ವರ ಖಾಸಗಿ ಶಾಲೆಯಲ್ಲಿ ಈ ಘಟನೆ ನಡೆದಿದ್ದು, ಮೃತರು ಶಾಲೆಯ ಬಸ್ಸಿನ ನೌಕರ ರಾಗಿದ್ದರು.

  ಶಾಲೆಯ ಕಟ್ಟಡ ಮೇಲೆ ಇರುವ ನೀರಿನ ಟ್ಯಾಂಕ್ ಸ್ವಚ್ಚ ಗೊಳಿಸಲು ಫವಾಝ್ ಮತ್ತು ಇನ್ನೋರ್ವ ಮೇಲಕ್ಕೆರಿದ್ದರು. ಈ ಸಂದರ್ಭದಲ್ಲಿ ಫವಾಝ್ ಕಾಲು ಜಾರಿ ಕೆಳಗೆ ಬಿದ್ದಿದ್ದು, ಕೂಡಲೇ ಶಾಲಾ ಸಿಬಂದಿಗಳು, ನಾಗರಿಕರು ಫವಾಝ್ ನನ್ನು ಆಸ್ಪತ್ರೆ ಗೆ ತಲ ಪಿಸಿದರೂ ಜೀವ ಉಳಿಸಲಾಗಲಿಲ್ಲ.

  ಈ ಬಗ್ಗೆ ಮಂಜೇಶ್ವರ ಠಾಣಾ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.