ಬಾಲಿವುಡ್‌ಗೆ ಎಂಟ್ರಿ ನೀಡಿದ ಕುಡ್ಲದ ಕುವರಿ ಸೋನಲ್

•   Fri, Nov 03 2017 02:06:03 PM



• ಮಂಗಳೂರು, ನ 3: ಎಕ್ಕಸಕ ತುಳು ಚಿತ್ರದ ಮೂಲಕ ಸಿ-ಟೌನ್ ಗೆ ಎಂಟ್ರಿ ನೀಡಿದ್ದ ಕುಡ್ಲದ ಕುವರಿ ಸೋನಲ್ ಮೊಂತೇರೊ ಅವರ ಅದೃಷ್ಟದ ಬಾಗಿಲು ತೆರೆದುಕೊಂಡಿದೆ.

  

  

   

  ಸಿನಿಮಾ ರಂಗದಲ್ಲಿ ಸಾಕಷ್ಟೂ ಅವಕಾಶಗಳನ್ನು ಪಡೆದುಕೊಂಡು ಕೋಸ್ಟಲ್ ವುಡ್ ಸೇರಿದಂತೆ ಸ್ಯಾಂಡಲ್ ವುಡ್ ನಲ್ಲಿ ಛಾಪು ಮೂಡಿಸಿದ್ದ ಪ್ರತಿಭೆ ಸೋನಲ್. ಈಗಾಗಲೇ ತುಳು, ಕನ್ನಡ ಚಿತ್ರರಂಗದ ಅನೇಕ ಚಿತ್ರಗಳಲ್ಲಿ ನಟಿಸಿ ಪ್ರೇಕ್ಷಕರನ್ನು ಮೋಡಿ ಮಾಡಿಸಿದ್ದ ಸೋನಲ್ ಅವರಿಗೆ ಬಾಲಿವುಡ್ ನಿಂದ ಆಫರ್ ಬಂದಿದೆ.

  ಸಿನಿ ಪರದೆಯಲ್ಲಿ ಮಿಂಚಿ ಸಾಕಷ್ಟು ಪ್ರೇಕ್ಷಕರ ಮನ ಗೆದ್ದಿರುವ ಸೋನಲ್ ಇದೀಗ ಸಾಜನ್ ಚಲೇ ಸಾಸೂರಲ್ – 2 ಚಿತ್ರದಲ್ಲಿ ಲೀಡ್ ರೋಲ್ ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಮನ್ಸೂರ್ ಅಹಮ್ಮದ್ ನಿರ್ಮಾಣದ ಚಿತ್ರ ಇದಾಗಿದ್ದು, ಖ್ಯಾತ ನಿರ್ದೇಶಕ ಎನ್.ಎನ್ ಸಿದ್ಧೀಕ್ ಚಿತ್ರವನ್ನು ನಿರ್ದೇಶಿಸಿದ್ದಾರೆ.

  ಕರಾವಳಿಯ ಬೆಡಗಿ ಸೋನಲ್ ಮೊಂತೇರೊ ತನ್ನ ನಟನೆಯಿಂದ ಮತ್ತು ಮುದ್ದಾದ ನಗುವಿನಿಂದ ನಟಿಸಿ ಎಲ್ಲಾ ಚಿತ್ರಗಳಲ್ಲಿ ಭೇಷ್ ಅನಿಸಿಕೊಂಡಿದ್ದು, ಇದೀಗ ಬಾಲಿವುಡ್ ಕದ ತಟ್ಟಿರುವುದು ಎಲ್ಲರ ಪ್ರಶಂಸೆಗೆ ಕಾರಣವಾಗಿದೆ.