ಕಾರ್ಕಳ: ದಾಯ್ಜಿವರ್ಲ್ಡ್‌‌‌ನ ಪ್ರಶಾಂತ್‌ ಸಿ.ಕೆ.ಗೆ 'ಕುಂದೇಶ್ವರ ಸಮ್ಮಾನ್‌' ಪ್ರಶಸ್ತಿ ಪ್ರದಾನ

•   Thu, Jan 26 2023 08:44:30 AM



• ಕಾರ್ಕಳ, ಜ 26 (DaijiworldNews/HR): ಬಹುಮುಖ ಪ್ರತಿಭೆ, ಯಕ್ಷ ಕಲಾವಿದ, ರಂಗದ ಬಿರ್ಸೆ, ದಾಯ್ಜಿವಲ್ಡ್ ಕಾರ್ಯಕ್ರಮ ಸಹಾಯಕ ನಿರ್ದೇಶಕ ಪ್ರಶಾಂತ್‌ ಸಿ.ಕೆ. ಅವರಿಗೆ ಕಾರ್ಕಳ ಹಿರ್ಗಾನ ಕ್ಷೇತ್ರದಿಂದ ಪ್ರತಿ ವರ್ಷ ನೀಡಲಾಗುವ 'ಶ್ರೀ ಕುಂದೇಶ್ವರ ಸಮ್ಮಾನ್‌ ಪ್ರಶಸ್ತಿ' ಪ್ರದಾನ ಮಾಡಲಾಯಿತು.

  

  

  

  

  

  

  

  

  

  

  

  

  ಪ್ರಶಸ್ತಿಗೆ ಪ್ರತಿಕ್ರಿಯಿಸಿದ ಪ್ರಶಾಂತ್ ಸಿ.ಕೆ, ಈ ಪ್ರಶಸ್ತಿಯ ಹಿಂದೆ ನನ್ನ ತಂದೆ-ತಾಯಿ, ಪತ್ನಿ, ಮಕ್ಕಳ ತ್ಯಾಗವಿದೆ. ನನ್ನ ಶಿಕ್ಷಕರು, ಹಿರಿಯರು ಮತ್ತು ಯುವಕರು ನನಗೆ ಬೆಂಬಲ ನೀಡಿದ್ದಾರೆ ಎಂದ ಅವರು, ಪ್ರಶಸ್ತಿಗೆ ಆಯ್ಕೆ ಮಾಡಿದವರಿಗೆ ಕೃತಜ್ಞತೆಗಳನ್ನು ವ್ಯಕ್ತಪಡಿಸಿದ್ದಾರೆ.

  ಶ್ರೀರಾಮ ಸೇನೆ ಸಂಸ್ಥಾಪಕ ಪ್ರಮೋದ್ ಮುತಾಲಿಕ್ ಮಾತನಾಡಿ, ಕರಾವಳಿಯ ಸಂಸ್ಕೃತಿ ವಿಶ್ವವಿಖ್ಯಾತವಾಗಿದೆ. ಆಧ್ಯಾತ್ಮಿಕತೆ, ಭಜನೆಗಳು, ಪೂಜೆ ಮತ್ತು ಶುಭಾಶಯಗಳಿಂದ ಸರ್ವಶಕ್ತನ ಭೂಮಿಯಾಗಿದೆ ಎಂದರು.

  ಗುರುರಕ್ಷಾ ಸೌಹಾರ್ದ ಸಹಕಾರಿ ಸಂಘದ ಅಧ್ಯಕ್ಷ ಮಂಜುನಾಥ ಪೂಜಾರಿ ಮಾತನಾಡಿ, ಯಕ್ಷಗಾನದ ಮೂಲಕ ಹಿಂದಿನ ಪುರಾಣ ಕಥೆಗಳನ್ನು ಎಲ್ಲರೂ ತಿಳಿದುಕೊಳ್ಳುತ್ತಿದ್ದರು. ಸಂಸ್ಕೃತಿ ಮತ್ತು ಆಧ್ಯಾತ್ಮಿಕತೆಯಿಂದ ದೇಶದ ಜನರನ್ನು ಆಕರ್ಷಿಸುವ ತುಳುನಾಡು ಹಿಂದೂಗಳ ಯಾತ್ರಾ ಕೇಂದ್ರವಾಗಿದೆ ಎಂದಿದ್ದಾರೆ.

  ಇನ್ನು ಹೆಚ್ಚಿನ ಬೆಂಬಲ ಸಿಕ್ಕರೆ ದೇಶಾದ್ಯಂತ ಮನ್ನಣೆ ಸಿಗುವುದರಲ್ಲಿ ಸಂಶಯವಿಲ್ಲ ಎಂದು ಕಾರ್ಯಕ್ರಮ ಸಂಘಟಕ ಜಿತೇಂದ್ರ ಕುಂದೇಶ್ವರ ಅವರು ಪ್ರಶಾಂತ್ ಸಿ.ಕೆ ಅವರನ್ನು ಅಭಿನಂದಿಸಿದರು.

  ಹಿರಣ್ಯಾಕ್ಷ ಹಿರಣ್ಯ ಕಶಿಪು ಕನ್ನಡ ತುಳು ಯಕ್ಷಗಾನ ನಾಟಕ ಪ್ರದರ್ಶನಗೊಂಡಿತು. ಪ್ರಾಪ್ತಿ ಕಲಾವಿದೆರ್ ಕುಡ್ಲ ತಂಡದಿಂದ ಮಾಯದಪ್ಪೆ ಮಂತ್ರದೇವತೆ ತುಳು ನಾಟಕ ಪ್ರದರ್ಶನಗೊಂಡಿತು.