ಪುತ್ತೂರು: ಯುವತಿಗೆ ಚೂರಿ ಇರಿದು ಕೊಲೆಗೈದ ಆರೋಪಿಯ ಬಂಧನ

•   Wed, Jan 18 2023 11:36:28 AM



• ಪುತ್ತೂರು, ಜ 17 ( DaijiworldNews/MS): ಮುಂಡೂರು ಗ್ರಾಮದ ಕಂಪದಲ್ಲಿ ಮನೆಗೆ ನುಗ್ಗಿ ಚೂರಿ ಇರಿದು ಯುವತಿ ಜಯಶ್ರಿ (23) ಯನ್ನು ಕೊಲೆಗೈದ ಪ್ರಕರಣಕ್ಕೆ ಸಂಬಂಧಿಸಿ ಆರೋಪಿಯನ್ನು ಪೊಲೀಸರು ಬಂಧಿಸಿದ್ದಾರೆ.

  ಬಂಧಿತ ಆರೋಪಿಯನ್ನು ಕನಕಮಜಲು ನಿವಾಸಿ ಉಮೇಶ್ ಎಂದು ಗುರುತಿಸಲಾಗಿದೆ.

  ಕೃತ್ಯಕ್ಕೆ ಪ್ರೇಮ ಪ್ರಕರಣವೇ ಕಾರಣ ಎನ್ನಲಾಗಿದೆ. ಸಂಬಂಧಿಕನಾದ ಆರೋಪಿಯೂ ಜಯಶ್ರಿ ಮನೆಗೆ ಬಂದು ಹೋಗುತ್ತಿದ್ದು , ಆತನ ನಡವಳಿಕೆಯಿಂದ ಬೇಸತ್ತು ಜಯಶ್ರೀ ದೂರ ಸರಿದಿದ್ದಳು ಎನ್ನಲಾಗಿದ್ದು , ಇದೇ ಸಿಟ್ಟಿನಲ್ಲಿ ಆರೋಪಿ ಕೃತ್ಯ ಎಸಗಿದ್ದಾನೆ ಎನ್ನುವುದು ಪೊಲೀಸ್ ಪ್ರಾಥಮಿಕ ತನಿಖೆಯಲ್ಲಿ ತಿಳಿದುಬಂದಿದೆ.

  ಜ.17 ರಂದು ಜಯಶ್ರಿ ಮನೆಯಲ್ಲಿ ಏಕಾಂಗಿಯಾಗಿ ಇದ್ದ ವೇಳೆ, ಏಕಾಏಕಿ ಮನೆ ನುಗ್ಗಿ ಜಯಶ್ರೀಗೆ ಚೂರಿ ಇರಿದಿದ್ದ.