ವಿಟ್ಲ: ಬೈಕ್ ಢಿಕ್ಕಿ-ಬಾಲಕಿಗೆ ಗಂಭೀರ ಗಾಯ

•   Wed, Jan 04 2023 01:21:41 PM



• ವಿಟ್ಲ, ಜ 04 (DaijiworldNews/DB): ರಸ್ತೆ ಬದಿ ನಿಂತಿದ್ದ ಬಾಲಕಿಗೆ ಬೈಕ್ ಢಿಕ್ಕಿ ಹೊಡೆದು ಬಾಲಕಿ ಗಂಭೀರ ಗಾಯಗೊಂಡ ಘಟನೆ ವಿಟ್ಲದ ಒಕ್ಕೆತ್ತೂರಿನಲ್ಲಿ ನಡೆದಿದೆ.

  ವಿಟ್ಲ ಒಕ್ಕೆತ್ತೂರು ನಿವಾಸಿ ಬಶೀರ್ ಅವರ ಪುತ್ರಿ ಫಾತಿಮತ್ ನಿದಾ ಗಾಯಗೊಂಡ ಬಾಲಕಿ. ಈಕೆ ವಿಟ್ಲ ಸರಕಾರಿ ಮಾದರಿ ಶಾಲೆಯ 5ನೇ ತರಗತಿಯಾಗಿದ್ದು, ಶಾಲೆಗೆ ತೆರಳಲೆಂದು ಒಕ್ಕೆತ್ತೂರಿನಲ್ಲಿ ಆಟೋ ರಿಕ್ಷಾಕ್ಕೆ ಕಾಯುತ್ತಿದ್ದಳು. ಈ ವೇಳೆ ವಿಟ್ಲ ಕಡೆಯಿಂದ ಬಂದ ಬೈಕ್ ಬಾಲಕಿಗೆ ಢಿಕ್ಕಿಯಾಗಿದ್ದು, ಕೆಲ ದೂರದ ತನಕ ಬಾಲಕಿಯನ್ನು ಎಳೆದೊಯ್ದಿದೆ.

  ಕೂಡಲೇ ಬಾಲಕಿಯನ್ನು ಸ್ಥಳೀಯರು ಪುತ್ತೂರಿನ ಆಸ್ಪತ್ರೆಗೆ ಕೊಂಡೊಯ್ದಿದ್ದು, ಬಳಿಕ ವೈದ್ಯರ ಸಲಹೆ ಮೇರೆಗೆ ಹೆಚ್ಚಿನ ಚಿಕಿತ್ಸೆಗಾಗಿ ಮಂಗಳೂರಿನ ಆಸ್ಪತ್ರೆಗೆ ಕೊಂಡೊಯ್ದು ದಾಖಲು ಮಾಡಲಾಗಿದೆ.