ಹಾವೇರಿಯಲ್ಲಿ ಕಾಸರಗೋಡಿನ ಕಾರು ಅಪಘಾತ ಪ್ರಕರಣ - ಮೃತರ ಸಂಖ್ಯೆ ನಾಲ್ಕಕ್ಕೆ ಏರಿಕೆ

•   Sun, Jan 01 2023 01:41:52 PM



• ಕಾಸರಗೋಡು, ಜ 01 (DaijiworldNews/HR): ಹಾವೇರಿಯಲ್ಲಿ ನಡೆದ ಕಾರು ಬಸ್ಸು ನಡುವಿನ ಅಪಘಾತ ದಲ್ಲಿ ಗಂಭೀರ ಗಾಯಗೊಂಡು ಆಸ್ಪತ್ರೆಗೆ ದಾಖಲಾಗಿದ್ದ ಎರಡು ವರ್ಷದ ಮಗು ಶನಿವಾರ ರಾತ್ರಿ ಮೃತ ಪಟ್ಟಿದ್ದ , ಇದರಿಂದ ಅಪಘಾತ ದಲ್ಲಿ ಮೃತ ಪಟ್ಟವರ ಸಂಖ್ಯೆ ನಾಲ್ಕಕ್ಕೇರಿದೆ.

  ಕಾಸರಗೋಡು ತಲಂಗರೆ ನುಸ್ರತ್ ನಗರದ ಸಿಯಾದ್ -ನಿಷಾನ್ ದಂಪತಿ ಪುತ್ರಿ ಇಸಾ ಮರಿಯಾ (2) ಮೃತಪಟ್ಟವಳು.

  ಹುಬ್ಬಳ್ಳಿಯ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದು, ಈ ದಂಪತಿಯ ಪುತ್ರ ಮುಹಮ್ಮದ್ (ಮೂರೂವರೆ ವರ್ಷ) ಅಪಘಾತದಲ್ಲಿ ಮೃತ ಪಟ್ಟಿದ್ದನು. ಸಿಯಾದ್ ನ ತಂದೆ ಮುಹಮ್ಮದ್ (65) ಮತ್ತು ತಾಯಿ ಆಯಿಶಾ (62) ಅಪಘಾತದಲ್ಲಿ ಮೃತ ಪಟ್ಟಿದ್ದರು. ಇದರಿಂದ ಒಂದೇ ಕುಟುಂಬದ ನಾಲ್ವರು ಈ ಅಪಘಾತಕ್ಕೆ ಬಲಿಯಾದಂತಾಗಿದೆ.

  ಕಾರಲ್ಲಿದ್ದ ಆರು ಮಂದಿ ಪೈಕಿ ಇನ್ನಿಬ್ಬರು ಚಿಕಿತ್ಸೆ ಪಡೆಯುತ್ತಿದ್ದಾರೆ.

  ಮೃತ ದೇಹವನ್ನು ಮರಣೋತ್ತರ ಪರೀಕ್ಷೆ ಬಳಿಕ ಇಂದು ಸಂಜೆ ಕಾಸರಗೋಡಿಗೆ ತರಲಾಗುವುದು ಎಂದು ಕುಟುಂಬ ಮೂಲಗಳು ತಿಳಿಸಿವೆ.