ಪಣಂಬೂರು: ಸಮುದ್ರ ಪಾಲಾದ ಇಬ್ಬರು ಯುವಕರನ್ನು ರಕ್ಷಿಸಿದ ಲೈಫ್ ಗಾರ್ಡ್ಸ್

•   Thu, Mar 07 2019 06:19:14 PM



• ಪಣಂಬೂರು,ಮಾ.07(AZM):ಸಮುದ್ರ ಪಾಲಾದ ಇಬ್ಬರು ಯುವಕರನ್ನು ಪಣಂಬೂರು ಜೀವ ರಕ್ಷಕ ದಳದ ಸಿಬ್ಬಂದಿಗಳು ಪಾರು ಮಾಡಿದ ಘಟನೆ ಇಂದು ನಡೆದಿದೆ.

  

  ಇಂದು ಸಂಜೆ ನಾಲ್ಕು ಘಂಟೆಯ ವೇಳೆ ಪಣಂಬೂರು ಸಮುದ್ರ ತೀರಕ್ಕೆ ಬಂದಿದ್ದ ರವಿ(21) ಹಾಗೂ ರಾಜು(20) ಎಂಬವರು ನೀರಿಗೆ ಇಳಿದ ವೇಳೆ ಸಮುದ್ರದ ಅಲೆಯಲ್ಲಿ ಕೊಚ್ಚಿಕೊಂಡು ಹೋಗಿದ್ದರು. ಅದೃಷ್ಠಾವಶತ್ ಸರಿಯಾದ ಸಮಯಕ್ಕೆ ಪಣಂಬೂರು ಜೀವ ರಕ್ಷಕ ದಳದ ಸಿಬ್ಬಂದಿಗಳು ಇಬ್ಬರೂ ಯುವಕರನ್ನು ರಕ್ಷಿಸಿ ದಡ ಸೇರಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

  ರವಿ ಹಾಗೂ ರಾಜು ಎಂಬವರು ಮಂಗಳೂರು ಕುಲಶೇಖರದ ಖಾಸಗೀ ಹೋಟೆಲ್ ಒಂದರಲ್ಲಿ ವೈಟರ್ಸ್ ಗಳಾಗಿ ಕೆಲಸ ನಿರ್ವಹಿಸುತ್ತಿದ್ದರು.