ಉಡುಪಿ: 'ಸುವರ್ಣ ತ್ರಿಭುಜ 'ಮೀನುಗಾರರು ನಾಪತ್ತೆ ಪ್ರಕರಣದ ತನಿಖೆ ಮುಗಿದಿಲ್ಲ -ಎಸ್.ಪಿ ನಿಶಾ ಜೇಮ್ಸ್

•   Thu, Mar 07 2019 12:52:20 PM



• ಉಡುಪಿ,ಮಾ 07 (MSP): ಮಲ್ಪೆಯಿಂದ ಆಳ ಸಮುದ್ರ ಮೀನುಗಾರಿಕೆಗೆ ತೆರಳಿದ್ದ ಮೀನುಗಾರರು ಸೇರಿದ ಸುವರ್ಣ ತ್ರಿಭುಜ ಬೋಟ್ ನಾಪತ್ತೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ತನಿಖೆ ಮುಂದುವರಿಸಲಾಗಿದ್ದು ತನಿಖೆ ಮುಗಿದಿಲ್ಲ ಎಂದು ಉಡುಪಿ ಎಸ್‌ಪಿ ನಿಶಾ ಜೇಮ್ಸ್‌ ಮಾ. 6 ರ ಬುಧವಾರ ತಿಳಿಸಿದ್ದಾರೆ.

  

  
  ತ್ರೈ ಮಾಸಿಕ ಕೆಡಿಪಿ ಸಭೆ ಬಳಿಕ ಡಾ| ಜಯಮಾಲಾ ಅವರ ಪತ್ರಿಕಾಗೋಷ್ಟಿಯಲ್ಲಿ ಪ್ರಶ್ನಿಸಿದಾಗ ಉತ್ತರಿಸಿದ , ಎಸ್‌ಪಿಯವರು, ಸಂತ್ರಸ್ತರ ಮನೆಯವರ ಜತೆಗೆ ಮಹಾರಾಷ್ಟ್ರ, ಕೇರಳ, ಕರ್ನಾಟಕದ ಭಾಗಗಳಲ್ಲಿಯೂ ತನಿಖೆ ನಡೆಸಲಾಗಿದೆ. ನೌಕೆ, ವಾಯು ಪಡೆಗಳ ಸಹಾಯದಿಂದಲೂ ಹುಡುಕಾಟ ನಡೆಸಲಾಗಿದೆ. ಸೆಟ್ಲೈನ್‌ ಶೋಧವನ್ನು ನಡೆಸಲಾಗಿದೆ. ಯಾವುದೇ ಮಾಹಿತಿ ಲಭ್ಯವಾಗಿಲ್ಲ ಎಂದವರು ತಿಳಿಸಿದ್ದಾರೆ.

  ಇತ್ತೀಚೆಗೆ ಬಂದ ಮೀನಾಕ್ಷಿ ಲೇಖೀಯವರು ದುಬೈಯಲ್ಲಿ ಕೆಲವು ಮೀನುಗಾರರು ಪತ್ತೆಯಾಗಿದ್ದಾರೆಂದು ತಿಳಿಸಿದ ಬಗ್ಗೆ ಕೇಳಿದಾಗ 'ಅವರು ಯಾರೆಂಬುದನ್ನು ತಿಳಿಸಿಲ್ಲ' ಎಂದು ಹೇಳಿದರು.