ವಿಟ್ಲ: ಮೈ ಮೇಲೆ ಮರ ಬಿದ್ದು ಕೂಲಿ ಕಾರ್ಮಿಕ ಮೃತ್ಯು

•   Wed, Mar 06 2019 08:06:59 PM



• ವಿಟ್ಲ, ಮಾ 06(SM): ಕಾರ್ಮಿಕರೊಬ್ಬರ ಮೇಲೆ ಮರವೊಂದು ಆಕಸ್ಮಿಕವಾಗಿ ಬಿದ್ದ ಪರಿಣಾಮ ಕಾರ್ಮಿಕ ಮೃತಪಟ್ಟಿರುವ ಘಟನೆ ವಿಟ್ಲ ಸಮೀಪದ ಅನಿಲಕಟ್ಟೆ ಎಂಬಲ್ಲಿ ಬುಧವಾರ ಸಂಭವಿಸಿದೆ. ಮೂರ್ಜೆಬೆಟ್ಟು ನಿವಾಸಿ ಮಂಜಪ್ಪ ಗೌಡ(55) ಮೃತ ದುರ್ದೈವಿಯಾಗಿದ್ದಾರೆ.

  

  ಮಂಜಪ್ಪ ಗೌಡರು ಕೂಲಿ ಕಾರ್ಮಿಕರಾಗಿದ್ದು, ಮರ ಕಡಿಯುವ ಕೆಲಸ ಮಾಡುತ್ತಿದ್ದರು. ಮೋನಪ್ಪ ಗೌಡ ಎಂಬವರ ಜಾಗದಲ್ಲಿ ಮರ ಕಡಿಯುವ ಕಾರ್ಯದಲ್ಲಿ ಕಾರ್ಮಿಕರಾಗಿ ತೊಡಗಿದ್ದಾಗ ಏಕಾಏಕಿ ಮರ ಇವರ ಮೇಲೆ ಎರಗಿದೆ. ಘಟನೆಯಲ್ಲಿ ಮಂಜಪ್ಪ ಗೌಡರು ಗಂಭೀರ ಗಾಯಗೊಂಡಿದ್ದಾರೆ. ತಕ್ಷಣ ಅವರನ್ನು ಆಸ್ಪತ್ರೆಗೆ ರವಾನಿಸಲಾಯಿತಾದರೂ, ಅಷ್ಟರಲ್ಲೇ ಅವರು ಮೃತಪಟ್ಟಿದ್ದರು.

  ಘಟನೆಯ ಕುರಿತಂತೆ ವಿಟ್ಲ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ತನಿಖೆ ಕೈಗೆತ್ತಿಕೊಂಡಿದ್ದಾರೆ.