ಮಂಗಳೂರು: ಸೇನೆಯ ಕಾರ್ಯದಲ್ಲೂ ಕಾಂಗ್ರೆಸ್ ನಿಂದ ರಾಜಕೀಯ:ಸಂಸದೆ ಶೋಭಾ

•   Sun, Mar 03 2019 11:55:30 PM



• ಮಂಗಳೂರು, ಮಾ 03(SM): ಪಾಕಿಸ್ತಾನದ ಉಗ್ರರ ಪುಲ್ಮಾಮಾ ದಾಳಿಗೆ ಭಾರತೀಯ ಸೇನೆ ಹಾಗೂ ವಾಯುಪಡೆ ತಕ್ಕ ಪ್ರತ್ಯುತ್ತರ ನೀಡಿದೆ ಎಂದು ಸಂಸದೆ ಶೋಭಾ ಕರಂದ್ಲಾಜೆ ತಿಳಿಸಿದ್ದಾರೆ.

  

  ಮಂಗಳೂರಿನಲ್ಲಿ ಮಾಧ್ಯಮಕ್ಕೆ ಪ್ರತಿಕ್ರಿಯೆ ನೀಡಿದ ಅವರು, ಅಭಿನಂದನ್ ಪಾಕಿಸ್ತಾನದ ವಿಮಾನ‌ ಹೊಡೆದುರುಳಿಸಿದ್ದಾರೆ. ಈ ವೇಳೆ ವಿಂಗ್-೧೬ಗೆ ಹಾನಿಯಾಗಿದೆ. ಇದೇ ಸಂದರ್ಭ ಪ್ಯಾರಚುಟ್ ಮೂಲಕ ಅಭಿನಂದನ್ ಹೊರಗೆ ಬಂದಿದ್ದು, ಅಚಾನಕ್ ಪ್ಯಾರಾಚೂಟ್ ಪಾಕಿಸ್ತಾನದಲ್ಲಿ ಲ್ಯಾಂಡ್ ಆಗಿತ್ತು. ಆದರೆ, ಕಾಂಗ್ರೆಸಿಗರ ಮನಸ್ಥಿತಿ ಎಲ್ಲರನ್ನು ಭಯಗೊಳಿಸುತ್ತಿದೆ. ದಿಗ್ವಿಜಯ ಸಿಂಗ್ ಮುಂತಾದವರು ದೇಶದ ಸೈನಿಕರ‌ ಹೋರಾಟಕ್ಕೆ ಪ್ರೂಫ್ ಕೇಳುತ್ತಿದ್ದಾರೆ. ಈ ರೀತಿಯ ಹೇಳಿಕೆ ದೇಶದ್ರೋಹಿ ಕೆಲಸವಾಗಿದೆ. ಅಭಿನಂದನ್ ಬರುವಾಗ ಇಡೀ ದೇಶ‌ ಉಸಿರು ಬಿಗಿ ಹಿಡಿದು ಅವರಿಗಾಗಿ ಕಾಯುತ್ತಿತ್ತು. 

  ಆದರೆ, ಕಾಂಗ್ರೆಸ್ ಚುನಾವಣೆ‌ ಹಿನ್ನೆಲೆಯಲ್ಲಿ ವಿಷಯವನ್ನು ಮಿಸ್‌ಯೂಸ್ ಮಾಡುತ್ತಿದೆ ಎಂದು ಕಾಂಗ್ರೆಸ್ ವಿರುದ್ಧ ಕಿಡಿಕಾರಿದ್ದಾರೆ.