ಕಾರ್ಕಳ ಅ 31: ನಗರದ ಬಂಗ್ಲೆಗುಡ್ಡೆ ತೊಹ್ಬ ಗಾರ್ಡನ್ ಧಾರ್ಮಿಕ ಹಾಗೂ ಲೌಕಿಕ ವಿದ್ಯಾ ಕೇಂದ್ರದ ವಿದ್ಯಾರ್ಥಿಯೊಬ್ಬ ನಿಗೂಢ ರೀತಿಯಲ್ಲಿ ನಾಪತ್ತೆಯಾಗಿದ್ದಾನೆ.
ಮೂಡಬಿದ್ರಿ ತೆಂಕ ಮಿಜಾರು ನಿವಾಸಿ ಮಹಮ್ಮದ್ ಶರೀಫ್ (17) ನಾಪತ್ತೆಯಾದವನು. ಕಾರ್ಕಳದ ಬಂಗ್ಲೆಗುಡ್ಡೆಯ ತೊಹ್ಬ ಗಾರ್ಡನ್ ಧಾರ್ಮೀಕ ಹಾಗೂ ಲೌಕಿಕ ವಿದ್ಯಾ ಕೇಂದ್ರದಲ್ಲಿ ವಾಸ್ತವ್ಯ ಇದ್ದು ವಿದ್ಯಾ ಕೇಂದ್ರದಲ್ಲಿ ದ್ವಿತೀಯ ಪಿಯುಸಿ ವಿದ್ಯಾಭ್ಯಾಸ ಮಾಡುತ್ತಿದ್ದನು.
ಅಕ್ಟೋಬರ್ 29ರ ಬೆಳಿಗ್ಗೆ 11.45 ರ ವೇಳೆಗೆ ಹಾಸ್ಟೆಲ್‌ನಿಂದ ಮನೆಗೆ ಹೋದವನು, ಮನೆಗೂ ತಲುಪದೆ ನಿಗೂಢ ರೀತಿಯಲ್ಲಿ ನಾಪತ್ತೆಯಾಗಿದ್ದಾನೆ. ಈ ಬಗ್ಗೆ ವಿದ್ಯಾರ್ಥಿಯ ತಂದೆ ಡಿ.ಎಮ್.ಇಬ್ರಾಹಿಂ ನಗರ ಠಾಣೆಯಲ್ಲಿ ಕೇಸುದಾಖಲಿಸಿದ್ದಾರೆ.
ಚಾನಲ್ ಫಾಲೋ ಮಾಡಿ
