ಯಡಿಯೂರಪ್ಪ ವಿವಾದವನ್ನು ಸಮರ್ಥಿಸಿಕೊಂಡ ಶೋಭಾ...!

•   Fri, Mar 01 2019 07:51:48 PM



• ಉಡುಪಿ, ಮಾ 01(SM): ಏರ್ ಸರ್ಜಿಕಲ್ ಸ್ಟೈಕ್ ನಿಂದ ಬಿಜೆಪಿಗೆ ಲಾಭ ಎಂದು ಯಡಿಯೂರಪ್ಪ ವಿವಾದಾತ್ಮಕ ಹೇಳಿಕೆ ನೀಡಿರುವ ಬೆನ್ನಲ್ಲೇ ಇದೀಗ ಆ ವಿಚಾರದ ಬಗ್ಗೆ ಶೋಭಾ ಕರಂದ್ಲಾಜೆ ಸ್ಪಷ್ಟನೆ ನೀಡಿದ್ದಾರೆ.

  

  ಉಡುಪಿಯಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಶೋಭಾ ಕರಂದ್ಲಾಜೆ, ಈ ಬಗ್ಗೆ ಯಾವುದೇ ಹೇಳಿಕೆಗಳನ್ನು ನೀಡಲು ಹೋಗುವುದಿಲ್ಲ. ಈ ಘಟನೆ ಅಥವಾ ಯುದ್ದದ ಕಾರಣಕ್ಕೆ ಅವರು ಹೇಳಿದ್ದಲ್ಲ ಎನ್ನುವ ಮೂಲಕ ಗರಂ ಆಗಿದ್ದಾರೆ.

  ಯಡಿಯೂರಪ್ಪ 22 ಸೀಟು ಗೆಲ್ಲುವ ಬಗ್ಗೆ ಅನೇಕ ಬಾರಿ ಮಾತನಾಡಿದ್ದಾರೆ. ಇದು ಪ್ರತೀ ಸಂದರ್ಭ ಅವರ ಬಾಯಲ್ಲಿ ಬರುವ ಮಾತಾಗಿದೆ. ಅವರ ಹೇಳಿಕೆ ತಪ್ಪಾಗಿ ಅರ್ಥೈಸಲಾಗಿದೆ. ಈಗಾಗಲೇ ಅವರೇ ಸ್ಪಷ್ಟನೆ ಕೊಟ್ಡಿದ್ದಾರೆ ಎನ್ನುವ ಮೂಲಕ ಅವರ ಪರ ಶೋಭಾ ಬ್ಯಾಟ್ ಬೀಸಿದ್ದಾರೆ.