ಮಂಗಳೂರು: ಸ್ಕೂಟರ್‌ಗೆ ಢಿಕ್ಕಿಯಾದ ಬಸ್-ಸವಾರರು ಪವಾಡಸದೃಶ ಪಾರು

•   Sun, Dec 11 2022 10:10:15 AM



• ಮಂಗಳೂರು, ಡಿ 11 (DaijiworldNews/DB): ಕಾಲೇಜು ಬಸ್ ಸ್ಕೂಟರ್‌ಗೆ ಢಿಕ್ಕಿ ಹೊಡೆದು ಬಸ್‌ನಡಿ ಸ್ಕೂಟರ್ ಸಿಲುಕಿ ಸವಾರೆ ಮತ್ತು ಸಹ ಸವಾರೆ ಪವಾಡಸದೃಶ ಪಾರಾದ ಘಟನೆ ನಗರದ ಪಿವಿಎಸ್ ಜಂಕ್ಷನ್‌ನಲ್ಲಿ ಶನಿವಾರ ಮಧ್ಯಾಹ್ನ ನಡೆದಿದೆ.

  
  
  ಪಿವಿಎಸ್ ಸಿಗ್ನಲ್ ಪಕ್ಕದಲ್ಲಿ ಹಿಂದಿನಿಂದ ಬಂದ ಬಸ್ ಸ್ಕೂಟರ್‌ಗೆ ಢಿಕ್ಕಿ ಹೊಡೆದಿದೆ. ಈ ವೇಳೆ ಸ್ಕೂಟರ್‌ ಬಸ್‌ನಡಿಗೆ ಬಿದ್ದಿದ್ದು, ಅದರಲ್ಲಿದ್ದ ಸವಾರೆ ಮತ್ತು ಸಹ ಸವಾರೆ ಬಲಬದಿಗೆ ಬಿದ್ದಿದ್ದಾರೆ. ಇದರಿಂದಾಗಿ ಅವರು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಇಬ್ಬರಿಗೂ ಸಣ್ಣಪುಟ್ಟ ಗಾಯಗಳಾಗಿವೆ.

  ಬಸ್‌ನಡಿಗೆ ಸಿಲುಕಿದ್ದ ಸ್ಕೂಟರ್‌ನ್ನು ಸ್ಥಳೀಯರು ಮತ್ತು ಇತರ ವಾಹನ ಸವಾರರು ಎಳೆದು ಪಕ್ಕಕ್ಕೆ ಸರಿಸಿದರು.