ಮಾನಭಂಗಕ್ಕೆ ಯತ್ನ ಆರೋಪಿಯ ಬಂಧನ

•   Thu, Feb 28 2019 09:05:12 PM



• ಕಾರ್ಕಳ, ಫೆ 28(SM): ಕಾಂತಾವರ ಬಾರಾಡಿಯ ಹೈಗೋಳಿಯ ಸಾರ್ವಜನಿಕ ರಸ್ತೆಯಲ್ಲಿ ಮಹಿಳೆಯ ಮಾನಭಂಗಕ್ಕೆ ಯತ್ನಿಸಿದ ಆರೋಪಿಯೊಬ್ಬನನ್ನು ಕಾರ್ಕಳ ಗ್ರಾಮಾಂತರ ಠಾಣಾಧಿಕಾರಿ ನಾಜೀರ್ ಹುಸೈನ್ ಬಂಧಿಸಿದ್ದಾರೆ. ಬಾರಾಡಿಯ ದಯಾನಂದ ಮೊಗೇರಾ(48) ಬಂಧಿತ ಆರೋಪಿ.

  

  ಫೆಬ್ರವರಿ 27ರ ಮಧ್ಯಾಹ್ನ 12ರ ಸುಮಾರಿಗೆ ಮಹಿಳೆಯೊಬ್ಬರು ತನ್ನ ಮನೆಗೆ ರೇಶನ್ ಕೊಡೊಯ್ಯುತ್ತಿದ್ದಾಗ ಆರೋಪಿ ಈ ಕೃತ್ಯ ಎಸಗಿದ್ದಾನೆ. ಮಹಿಳೆಯ ತಲೆ ಮೇಲಿದ್ದ ಅಕ್ಕಿ ಚೀಲವನ್ನು ನೆಲಕ್ಕೆ ಹಾಕಿ ಮಾನಭಂಗಕ್ಕೆ ಯತ್ನಿಸಿದ್ದಾನೆ. ಅದೇ ಸಂದರ್ಭದಲ್ಲಿ ಮಹಿಳೆ ಬೊಬ್ಬೆ ಹಾಕಿರುವುದರಿಂದ ಆರೋಪಿ ಸ್ಥಳದಿಂದ ಪರಾರಿಯಾಗಿದ್ದಾನೆ.

  ಈ ಕುರಿತು ಕಾರ್ಕಳ ಗ್ರಾಮಾಂತರ ಠಾಣೆಯಲ್ಲಿ ಕೇಸು ದಾಖಲಾಗಿದೆ.